ق ر پرەزيدەنتى قاسىم- جومارت توقايەۆ الماتى قالاسىن دامىتۋ ماسەلەلەرى جونىندە كەڭەستە وسىلاي مالىمدەدى، دەپ حابارلايدى قازاقپارات اقورداعا سىلتەمە جاساپ.
جيىندا قازاقستان پرەزيدەنتى الماتى قالاسىنداعى بيزنەس احۋالدى جاقسارتۋ جانە ونىڭ ينۆەستيتسيالىق تارتىمدىلىعىن ارتتىرۋ جونىندەگى جۇمىستاردى جانداندىرۋدى تاپسىردى.
«ەگەر ءبىز ەلىمىزدەگى ءىرى قالالاردىڭ، جالپى ەلىمىزدىڭ ينۆەستيتسيالىق جانە تۋريستىك تارتىمدىلىعىن شىنىمەن ارتتىرعىمىز كەلسە، جۋىق ارادا شەتەلدىكتەردى كوشى- قون پوليتسياسى ورگاندارىندا مىندەتتى تىركەۋ سياقتى اناحرونيزمنەن قۇتىلۋ كەرەك»، - دەدى قاسىم- جومارت توقايەۆ.
ءومىر ساپاسىن ارتتىرۋ مەن قالانىڭ ينفراقۇرىلىمىن دامىتۋ ءىسىن قامتاماسىز ەتۋ ماسەلەلەرى دە مەملەكەت باسشىسىنىڭ نازارىنان تىس قالمادى.
«ءبىز الماتىنى حالىقارالىق بيزنەس جانە تۋريزم ورتالىعى رەتىندە كورسەتەمىز. سوندىقتان قالا تۇرعىندارىنىڭ ءومىر ءسۇرۋ ساپاسىن ارتتىرۋ جونىندەگى بارلىق جۇمىس حالىقارالىق ستاندارتتارعا ساي بەيىمدەلۋى ءتيىس. ەڭ باستىسى، ازاماتتارعا قالادا ءومىر ءسۇرۋ قولايلى ءارى جايلى بولۋى كەرەك. بۇعان ۇيگە باراتىن جولدىڭ بولۋى، الەۋمەتتىك ينفراقۇرىلىمنىڭ جاقىن ءارى قولجەتىمدىلىگى، ساپالى اۋىزسۋمەن، گازبەن، ۇزدىكسىز ەلەكتر قۋاتىمەن جانە جىلۋمەن قامتاماسىز ەتىلۋى سياقتى ءبىرقاتار فاكتورلار اسەر ەتەدى»، - دەدى قاسىم- جومارت توقايەۆ.
**
الماتى اكىمى باقىتجان ساعىنتايەۆ مەملەكەت باسشىسى قاسىم- جومارت توقايەۆتان «سامۇرىق- قازىنا» ۇلتتىق ءال- اۋقات قورىنا ج ە و-2- ءنىڭ گازعا ءوتۋىن جىلدامداتۋدى تاپسىرۋىن سۇرادى.
اكىم ەكولوگيا ماسەلەسى بارلىق قالا تۇرعىندارىن الاڭداتىپ وتىرعانىن اتاپ ءوتتى. قاۋىپتى فاكتورلاردىڭ ءبىرى - زياندى زاتتاردىڭ شىعارىلۋى.
«2018 -جىلى قورشاعان ورتاعا شىعارىلعان زياندى زاتتاردىڭ جالپى كولەمى 123 مىڭ توننانى قۇرادى، ونىڭ ىشىندە ج ە و-2 ۇلەسى ' بولدى. قازىرگى ۋاقىتتا «سامۇرىق- ەنەرگو» ا ق قولدانىستاعى ستانسىنى گازعا اۋىستىرۋدى كوزدەيتىن تەحنيكالىق- ەكونوميكالىق نەگىزدەمە ازىرلەۋدە. جوبانى ىسكە اسىرۋ ارقىلى اتموسفەراداعى زياندى شىعارىندىلاردىڭ ۇلەسىن 17 ەسە ازايتۋعا مۇمكىندىك بار. وسى جوبانىڭ الەۋمەتتىك ماڭىزىن ەسكەرە وتىرىپ، «سامۇرىق- قازىناعا» سايكەس قۇجاتتامالار ازىرلەنىپ بولعان سوڭ بارلىق پروتسەدۋرالاردى تەزدەتۋدى تاپسىرۋىڭىزدى سۇرايمىن»، - دەدى الماتى اكىمى باقىتجان ساعىنتايەۆ مەملەكەت باسشىسىنىڭ قاتىسۋىمەن ءوتىپ جاتقان الماتىنى الەۋمەتتىك- ەكونوميكالىق دامىتۋعا ارنالعان وتىرىستا.
اۆتورى دانيار داۋىتاليەۆ