الماتى قالاسىنىڭ اكىمى باقىتجان ساعىنتايەۆ مەملەكەت باسشىسى قاسىم-جومارت توقايەۆقا «الماتى - 2050» دامۋ ستراتەگياسىنىڭ جوباسىن تانىستىردى.
اتالعان باعدارلاما بويىنشا الماتى قالاسىن الەۋمەتتىك- ەكونوميكالىق تۇرعىدان دامىتۋ، ينۆەستيتسيا تارتۋ، جاڭا جۇمىس ورىندارىن اشۋ، تۇرعىنداردىڭ تۇرمىسىن جاقسارتۋ، ءقاۋىپسىز قالا قالىپتاستىرۋ، شاھاردىڭ شەتكەرى ايماقتارىنىڭ ينفراقۇرىلىمىن دامىتۋ جانە باسقا دا كوپتەگەن ماڭىزدى ماسەلەلەر اتقارىلادى. سونداي-اق الماتى اگلومەراتسياسى اۋماعىنىڭ دامۋ بارىسى دا قاراستىرىلعان.
قاسىم-جومارت توقايەۆ باسپانا كەزەگىندە تۇرعان، بالالار ءۇيىنىڭ 12 تاربيەلەنۋشىسىنە پاتەر كىلتتەرىن تابىس ەتتى.
«بارشاڭىزعا جاڭا قونىستارىڭىز قۇتتى بولسىن! باسپانا ماسەلەسى ءاردايىم مەملەكەتتىڭ نازارىندا بولادى. ەڭبەكتەرىڭىز تابىستى بولسىن!» - دەدى مەملەكەت باسشىسى.
جالپى الماتى قالاسىنىڭ «كوكقاينار» ىقشام اۋدانىندا «نۇرلى جەر» باعدارلاماسى بويىنشا باسپاناعا مۇقتاج وسىنداي 51 ادامعا تۇرعىن ءۇي سالىنىپ جاتىر.