بۇل تۋرالى اتالمىش ۋنيۆەرسيتەتتىڭ 75 جىلدىعىنا ارنالعان دەرەكتى فيلمدە كورسەتىلدى، دەپ حابارلايدى قازاقپارات پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ.
جۋىردا «ءبىرىنشى ارنانىڭ» ەفيرىنەن ماسكەۋ مەملەكەتتىك حالىقارالىق قاتىناستار ۋنيۆەرسيتەتىنىڭ 75 جىلدىعىنا ارنالعان «مگيمو نا ۆسەح يازىكاح ميرا» اتتى دەرەكتى فيلم كورسەتىلدى.
«فيلمنىڭ تۇسىرۋشىلەرى وسى بىرەگەي جوعارى وقۋ ورنىنىڭ كوپتەگەن اتاقتى تۇلەكتەرىمەن كەزدەسكەن. ولاردىڭ ىشىندە مەملەكەت باسشىسى قاسىم- جومارت كەمەل ۇلى توقايەۆ تا بار. قازاقستان پرەزيدەنتى اتالعان جوعارى وقۋ ورنىنا قالاي وقۋعا تۇسكەنىن، ماسكەۋ مەملەكەتتىك حالىقارالىق قاتىناستار ۋنيۆەرسيتەتىندە العان ءبىلىمى ءوزىنىڭ ومىرىندە قانداي ءرول اتقارعانىن ايتتى. مەملەكەت باسشىسىنان بولەك وسى وقۋ ورنىنىڭ بەلگىلى تۇلەكتەرى - ازەربايجان پرەزيدەنتى يلحام اليەۆ، ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ءتوراعاسى ميروسلاۆ لايچاك، ر ف سىرتقى ىستەر ءمينيسترى سەرگەي لاۆروۆ جانە باسقا دا ءىرى ساياساتكەرلەر مەن بيزنەسمەندەر وزدەرىنىڭ ستۋدەنت كەزدەرىندەگى ەستەلىكتەرىمەن ءبولىستى»، دەپ جازدى بەرىك ءۋالي Facebook-تەگى پاراقشاسىندا.