مامانداردىڭ ايتۋىنشا، الداعى 3 كۇندە ماگنيتتىك تولقىنداردىڭ اسەرىنەن پلانەتانىڭ بارلىق تۇرعىندارى ءبىرشاما جايسىزدىقتى سەزىنەدى.
ول كۇرەتامىرلىق قىسىم مەن جۇرەك سوعىسىنا اسەر ەتۋى مۇمكىن دەپ حابارلايدى ۆەستي. ru.
جۇلدىزدى جەل ءبىزدىڭ پلانەتاعا فانتاستيكالىق جىلدامدىق - سەكۋندىنا 800 شاقىرىممەن سوعۋدا. مامانداردىڭ ەسەبىنە سۇيەنسەك، بۇگىن ول جەردىڭ قاباتىنا جەتەدى.
يزميران عارىشتىق اۋا رايىن بولجاۋ ورتالىعى زەرتحاناسىنىڭ مەڭگەرۋشىسى اناتولي بەلوۆ قازىرگى ۋاقىتتا جوعارى جىلدامدىقتى تولقىننىڭ كۇننىڭ بايىپتى جەلىمەن ارالاسىپ جاتقانىن جەتكىزدى.
ونىڭ ايتۋىنشا، عارىشتىق قۇبىلىس 3 كۇنگە سوزىلادى. بۇل ايتارلىقتاي ۇزاق مەرزىم. سوندىقتان دا دارىگەرلەر ماگنيتتىك داۋىل ەرەكشە ىقپال ەتەتىن ناۋقاستاردى قازىردەن باستاپ قابىلداۋعا دايىن.
ادەتتە ادامداردا قان قىسىمى جوعارىلاپ، جۇرەكتىڭ شالىس سوعۋى بايقالادى. كەيبىرى باس ساقيناسى اۋرۋىنا شالدىعادى.
الايدا، كۇشتى ماگنيتتىك تولقىنداردان ادامدار عانا زارداپ شەكپەيدى. بۇل قۇبىلىس تەحنيكا جۇمىسىنا دا اسەر ەتۋى مۇمكىن، كەيدە ولار ىستەن شىعىپ جاتادى.