بۇل تۋرالى ق ر تۇڭعىش پرەزيدەنتى - ەلباسى قورى جانىنداعى الەمدىك ەكونوميكا جانە ساياسات ينستيتۋتىنىڭ (ءا ە س ي) ساراپشىسى انتون بۋگاەنكو ايتتى دەپ حابارلايدى، قازاقپارات ءتىلشىسى.
23-24- قازاندا ەلباسى نۇرسۇلتان نازاربايەۆ رەسمي ساپارمەن جاپونياعا باردى. ەلباسى يمپەراتوردىڭ تاققا وتىرۋ سالتاناتىندا ورتالىق ازيا ءوڭىرىنىڭ جوعارى دەڭگەيدەگى جالعىز وكىلى بولدى، بۇل جاپونيانىڭ ايماقتىق ساياساتىنداعى قازاقستاننىڭ ماڭىزدىلىعىن راستايدى.
«نۇرسۇلتان نازاربايەۆتىڭ ساپارى بارىسىندا جاپونيانىڭ پرەمەر-ءمينيسترى سيندزو ابەمەن كەزدەسۋ ءوتتى. پرەمەر-مينيسترمەن اڭگىمەلەسۋ بارىسىندا نۇرسۇلتان نازاربايەۆ جاپونيا ينۆەستيتسياسىنىڭ قازاقستانداعى ءرولىن اتاپ ءوتتى. 2019-جىلدىڭ باسىندا جاپوندىق كومپانيالاردىڭ ينۆەستيتسيا كولەمى 5,9 ميلليارد ا ق ش دوللارىن قۇرادى، ال جاپونداردىڭ قاتىسۋىمەن كاسىپورىنداردىڭ سانى 70 كە جەتتى. 2019-2021-جىلدارى قازاقستان شامامەن 1 ميلليارد ا ق ش دوللارى كولەمىندە ينۆەستيتسيا تارتۋدى جوسپارلاپ وتىر. كونتينەنتتەگى جاپونيانىڭ ينۆەستيتسيالىق قىزمەتىنىڭ جاندانۋى جاپون كومپانيالارىنىڭ جاڭا ينۆەستيتسيالارىن تارتۋعا مۇمكىندىك بەرەدى»، - دەدى ساراپشى انتون بۋگاەنكو.
ساراپشىنىڭ ايتۋىنشا، جاپوندىق كومپانيالاردىڭ قازاقستان ەكونوميكاسىنا سالعان ينۆەستيتسيالارى ەكى ەل اراسىنداعى ساۋدانىڭ وسۋىنە ىقپال ەتتى.
«ماسەلەن، 2018-جىلى ساۋدا كولەمى 2 ميلليارد ا ق ش دوللارىنا جەتىپ، T عا ارتتى. وسىعان بايلانىستى سيندزو ابە ەكى جاقتى ساۋدا قاتىناستارىن دامىتۋ ءۇشىن مادەني بايلانىستاردىڭ ماڭىزدىلىعىن اتاپ ءوتتى. ونىڭ پىكىرىنشە، «ادامي بايلانىستاردىڭ كەڭەيۋى ەكونوميكالىق جانە ىسكەرلىك قاتىناستاردىڭ ودان ءارى دامۋىنا سەرپىن بەرەدى»، سونىمەن بىرگە ول قازاقستانداعى ىسكەرلىك احۋالدى ودان ءارى جاقسارتۋ قاجەتتىگىن اتاپ ءوتتى»، - دەپ قوستى انتون بۋگاەنكو.
ايتا كەتەيىك، وسى ساپار بارىسىندا ق ر تۇڭعىش پرەزيدەنتى ەلباسى نۇرسۇلتان نازاربايەۆقا تسۋكۋب ۋنيۆەرسيتەتىنىڭ قۇرمەتتى دوكتورى اتاعى بەرىلدى.