اقوردادا قازاقستان مەن بەلارۋس ۆەدومستۆولارى ءبىرقاتار قۇجاتقا قول قويدى
سونىمەن، كەلىسسوزدەردەن كەيىن ق ر پرەزيدەنتى قاسىم-جومارت توقايەۆ پەن بەلارۋس پرەزيدەنتى الەكساندر لۋكاشەنكو بىرلەسكەن مالىمدەمەگە قول قويدى.
ق ر ىشكى ىستەر ءمينيسترى ەرلان تۇرعىمبايەۆ پەن بالارۋس ىشكى ىستەر ءمينيسترى يۋري كارايەۆ ەكى ەل ۇكىمەتتەرى اراسىنداعى كوشى-قون سالاسىنداعى ىنتاماقتاستىق تۋرالى كەلىسىمدى بەكەتتى.
ق ر باس پروكۋرور عيزات نۇرداۋلەتوۆ پەن بەلارۋس تەرگەۋ كوميتەتىنىڭ ءتوراعاسى يۆان نوسكيەۆيچ ەكى ەل ۆەدومستۆولارى اراسىنداعى ىنتىماقتاستىق تۋرالى كەلىسىمگە قول قويدى.
ق ر ۇلتتىق قاۋىپسىزدىك كوميتەتىنىڭ ءتوراعاسى كارىم ءماسىموۆ پەن بەلارۋس سىرتقى ىستەر ءمينيسترى ۆلاديمير ماكەي قازاقستان ۇ ق ك جانە بەلارۋس پرەزيدەنتى جانىنداعى جەدەل تالداۋ ورتالىعى اراسىنداعى جەدەل-تەحنيكالىق سالاداعى ىنتىماقتاستىق كەلىسىمىن بەكىتتى.
بۇدان بولەك، ق ر ادىلەت ءمينيسترى مارات بەكەتايەۆ پەن بەلارۋس مەملەكەتتىك مۇلىك كوميتەتىنىڭ ءتوراعاسى اندرەي گايەۆ اتالعان ۆەدومستۆولار اراسىنداعى جىلجىمايتىن مۇلىكتى مەملەكەتتىك تىركەۋ ماسەلەلەرى بويىنشا كەلىسىمدى بەكىتتى.
ق ر سىرتقى ىستەر ءمينيسترى مۇحتار تىلەۋبەردى مەن بەلارۋس سىرتقى ىستەر ءمينيسترى ۆلاديمير ماكەي ەكى ەل سىرتقى ىستەر ۆەدومستۆولارى اراسىنداعى 2020-2021-جىلدارعا ارنالعان ىنتىماقتاستىق جوسپارىنا قول قويدى.
سيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ پەن بەلارۋس ۇلتتىق عىلىم اكادەمياسى پرەزيديۋمىنىڭ ءتوراعاسى ۆلاديمير گۋساكوۆ جەردى قاشىقتىقتان زوندتاۋ دەرەكتەرىمەن الماسۋ سالاسىنداعى ىنتىماقتاستىق تۋرالى كەلىسىمگە قول قويدى.