بەلارۋس پرەزيدەنتىن قازاقستانداعى قاي سالالار قىزىقتىرادى؟
«باسىمدىقتى باعىت رەتىندە ونەركاسىپتىك كووپەراتسيانى ارى قاراي دامىتۋدى ايقىندادىق. ياعني ءبىزدى جاي عانا ساۋدادان بىرلەسكەن كاسىپورىندار قۇرۋمەن كووپەراتسيالىق بايلانىستارعا كوشىپ جاتىرمىز. بۇل باعىتتا ەكى ەل اۋماعىندا بەلارۋس جانە قازاقستان ازاماتتارى جۇمىس ىستەيدى»، - دەدى ول اقوردادا.
سونىمەن قاتار، ا. لۋكاشەنكو قول جەتكىزىلگەن كەلىسىمدەر تۋرالى، سونداي-اق كومبايندار جانە وزگە دە اۋىل شارۋاشىلىعى تەحنيكاسى ءوندىرىسىن ارتتىرۋ جايىندا ايتتى.
«سونىمەن قاتار ءبىز مينسك تراكتور زاۋىتىنىڭ تەحنيكاسىن قازاقستاندا شىعارۋ ستراتەگياسىن ايقىندادىق. ونەركاسىپتىك كووپەراتسيامەن قاتار، ەكى ەل اراسىندا باسقا دا سالالاردا ىنتىماقتاستىقتى نىعايتۋ ءۇشىن ەلەۋلى الەۋەت بار. بۇل رەتتە اۋىل شارۋاشىلىعى، كولىك جانە لوگيستيكا، جول قۇرىلىسى، مۇنايحيمياسى كەشەنى، IT- تەحنولوگيا، عارىشتى بەيبىت ماقساتتا يگەرۋ باعىتتارى بار»، - دەدى ول.
«ءداستۇرلى تۇردە ءبىزدى قازاقستاندا وندىرىلگەن مەتال، استىق، ماقتا تالشىعى، مۇناي ونىمدەرى جانە باسقا دا ونىمدەرىن قىزىقتىرادى. وزدەرىڭىز بىلەسىزدەر، بەلارۋس مۇناي جەتكىزىلىمىن ءارتاراپتاندىرۋ ماسەلەسىنە ەرەكشە نازار اۋدارىپ وتىر. سوندىقتان دا قازاقستاننان وسى شيكىزات يمپورتىنا مۇددەلىمىز»، - دەد بەلارۋس پرەزيدەنتى.