مۇنداي تۇجىرىمدى گرەكياداعى اريستوتەل ۋنيۆەرسيتەتىنىڭ عالىمدارى جاسادى.
1995 -جىلى باستالعان زەرتتەۋ كەزىندە ماماندار ەجەلگى تاريحشىلار سۋرەتتەگەن اۋرۋدىڭ بەلگىلەرى مەن ماكەدونيا پاتشاسىنىڭ سوڭعى كۇندەرىن مۇقيات تالداعان. زەرتتەۋدىڭ جەتەكشىسى، مەديتسينا پروفەسسورى، دوكتور توماس گەراسيميديستىڭ ايتۋىنشا، الەكساندردىڭ ولىمىنە اسقازان بەزىنىڭ نەكروزىنان تۋىنداعان اۋىر سەپسيس سەبەپ بولعان. «بۇل اۋرۋ ءوت تاس اۋرۋى، سونداي- اق قولباسشىنىڭ مايلى تاماق پەن الكوگولگە تاۋەلدىلىگى سالدارىنان داميدى»، - دەيدى پروفەسسور.
«سيمپتومدارى - مايلى تاماقتى كوپ جەگەننەن كەيىن جانە شاراپتان سوڭ ءىشتىڭ قاتتى اۋىرۋى. بۇدان كەيىن دەنە قىزۋى كوتەرىلىپ، 14 كۇن ىشىندە ناۋقاستىڭ جاعدايى ناشارلايدى»، - دەپ كورسەتىلگەن زەرتتەۋدە.
ەجەلگى گرەك تاريحشىلارىنىڭ ەڭبەكتەرىن تالداعاننان كەيىن پروفەسسور گەراسيميديس ەسكەندىر زۇلقارنايىننىڭ ءولىمىنىڭ باسقا نۇسقالارىن، سونىڭ ىشىندە بەزگەك، پنيەۆمونيا، ءىش سۇزەگى جانە باتىس ءنىل بەزگەگىن جوققا شىعاردى. الەكساندر ماكەدونسكي (شىعىستا ەسكەندىر زۇلقارنايىن دەگەن اتپەن تانىمال) - ارگەادتار اۋلەتىنەن شىققان ماكەدونيا پاتشاسى، كورنەكتى قولباسشى، قايتىس بولعاننان كەيىن ىدىراپ كەتكەن الەمدىك دەرجاۆانىڭ نەگىزىن قالاۋشى. 323 -جىلى 13 - ماۋسىمدا 33 جاسىندا قايتىس بولعان.
Massaget.kz