ديماش رەسەيدىڭ ءىرى قالالارىنا جەكە تۋرىن وتكىزەدى

نۇر- سۇلتان. قازاقپارات - ءانشى ديماش قۇدايبەرگەن 2020 -جىلدان باستاپ رەسەيدىڭ ءىرى قالالارىنا جەكە تۋرىن وتكىزەدى، دەپ حابارلايدى قازاقپارات.

بۇل تۋرالى ول instagram پاراقشاسىندا جازدى.

«2020 -جىلدىڭ اقپان ايىندا رەسەيدىڭ ۇلكەن قالالارىندا مەنىڭ جەكە تۋرىم وتەدى. سونىڭ ىشىندە 16 - اقپان كراسنودار قالاسىندا، 20 - اقپان قازاندا جانە 23 - اقپان ەكاتەرينبۋرگ قالاسىندا كونسەرتتەرىم بولادى. مەن جانە مەنىڭ كوماندام سىزدەردى كورۋگە ءارقاشان قۋانىشتىمىز. بيلەتتەر ساتىلۋدا» - دەيدى ءانشى.

ەسكە سالا كەتسەك، بۇعان دەيىن ءانشى ديماش قۇدايبەرگەن 2020 -جىلى 11 - ناۋرىزدا ۋكراينا استاناسىندا كونسەرت بەرەتىنى حابارلانعان بولاتىن.