مينيسترلەر مەملەكەت باسشىسىنىڭ «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋداۋىنىڭ ورىندالۋى جونىندە ءسوز قوزعاپ، الدا اتقارىلاتىن جۇمىستار جونىندە ايتىپ ءوتتى.
جيىنعا مينيسترلەر كابينەتى مەن قالا اكىمى ەرلان ايتاحانوۆ، قالالىق ءماسليحات دەپۋتاتتارى مەن باسقارما باسشىلارى، زيالى قاۋىم وكىلدەرى جانە شىمكەنت قالاسىنداعى ءتۇرلى سالا ماماندارى، قوعام مۇشەلەرى قاتىستى. پرەزيدەنت جولداۋىنداعى كوزدەلگەن نەگىزگى تاپسىرمالاردىڭ ورىندالۋىن ءسوز ەتكەن جيىندا بويىنشا پرەمەر-ءمينيستردىڭ ورىنباسارى بەردىبەك ساپاربايەۆ حالىقتى الەۋمەتتىك قولداۋ باعىتىندا اتقارىلىپ جاتقان جۇمىستار بارىسىن جەتكىزدى.
«پرەزيدەنت قاسىم- جومارت توقايەۆتىڭ تاپسىرماسىنا سايكەس حالىقتى الەۋمەتتىك قولداۋ ماقساتىندا بيۋدجەتتەن 250 ميلليارد تەڭگە قارجى ءبولىندى. سونىمەن قاتار، حالىق اراسىندا نەسيە تولەۋدەن كەشىگىپ، ايىپپۇلى ءوسىپ كەتكەن شىعىنداردى وتەۋ ءۇشىن 142 ميلليارد تەڭگە جۇمسالدى. مەملەكەت باسشىسىنىڭ جولداۋىن جۇزەگە اسىرۋ ءۇشىن قوعام مەن بيلىك ورتاسىنداعى كەرى بايلانىستى وڭتايلاندىراتىن ءتيىستى قۇجاتتار ازىرلەنۋدە. حالىقتان كەلگەن بىردە- ءبىر سۇراقتار جاۋاپسىز قالماۋى كەرەك. ءار وڭىردە قۇرىلعان قوعامدىق كەڭەستىڭ جۇمىسىندا دا كەمشىلىكتەر جەتەرلىك، اشىقتىق جوق. سوندىقتان حالىق اراسىندا ءجيى ساۋالناما وتكىزۋدى جوسپارلاپ وتىرمىز»، - دەدى بەردىبەك ساپاربايەۆ.
ونىڭ ايتۋىنشا، اتالعان الەۋمەتتىك ساۋالناما بويىنشا كورسەتكىش 30 پايىزدان تومەن بولسا، جەدەل تۇردە قوعامدىق كەڭەستىڭ ماسەلەسى قارالاتىن بولادى.
اۆتور: اينۇر اقبايەۆا