بلەكبەرن قالاسىندا تۇراتىن بريتاندىق دجەننا كلەمەنستىڭ 41 جاستاعى عاشىعى بەن دجونستونعا تۇنگى ۋاقىتتا تەلەفونىنا ءماتىندى حابارلاما تۇسەدى. بويجەتكەن مۇنى وزگە ءبىر ايەلدىڭ حاتى دەپ تۇسىنەدى.
دجەننا وپاسىزدىق تۋرالى جورامالدارىنىڭ شىن بولعانىن ءبىلۋ ءۇشىن كارتانى قولداندى. ول كارتادان پاتشايىمدى الىپ، بۇل بەندىڭ ومىرىندە قازىر ەكى ايەل بار ەكەندىگىنىڭ ناعىز بەلگىسى دەپ سانادى.
بريتاندىق قىز بۇرىن- سوڭدى بولجاۋ ىسىمەن اينالىسپاعان، الايدا ءوز بولجاۋىنا سەندى. ونىڭ سۇيىكتىسىنىڭ اپكەسى بەننىڭ شىنىمەن دە وزگەمەن قارىم- قاتىناسى بار ەكەنىن راستادى.
كلەمەنس ءوزىنىڭ سۇيىكتىسىن پاتەرىنە ىزدەپ بارىپ، ونى سوندا كەزدەستىردى. ەر ادام بۇل ايىپتاۋلاردى جوققا شىعاردى، ءبىراق كەيىن اشۋلانىپ، قىزىن ۇرىپ تاستادى.
ناتيجەسىندە زارداپ شەگۋشىدە بىلەگى سىنعان. ول جۇگىنگەن دارىگەرلەر قۇقىق قورعاۋ ورگاندارىنا ايتتى. بەن ءبىر جىل بويى تەرگەۋدەن جاسىرىنىپ ءجۇردى، وعان ىزدەۋ جاريالاندى.
الايدا ول ۇستالىپ، ءبىر جىل ءتورت ايعا باس بوستاندىعىنان ايىرۋ جانە 6 اي سىناق مەرزىمىنە كەسىلدى.