قالالاردى دەنساۋلىققا پايدالى ەتۋ مۇمكىن بە
اۆتوردىڭ ايتۋىنشا، قازىرگى تاڭدا گلازگو قالاسىندا تۇراتىن ادامداردىڭ جاستاي ءولىپ كەتۋ قاۋپى باسىم. بۇل قالادا ەر ادامدار ۇلى بريتانيانىڭ باسقا قالالارىمەن سالىستىرعاندا جەتى جىل ەرتە كوز جۇمادى. وسى كۇنگە دەيىن مۇنداي ءولىمنىڭ سەبەبى جۇمباق بولىپ كەلدى.
«زەرتتەۋ ناتيجەلەرىنە سەنسەك، 1950 -جىلدان باستاپ قالالاردى جوبالاۋ شەشىمى گلازگو حالقىنىڭ پسيحيكالىق جانە فيزيكالىق دەنساۋلىعىنا كەرى اسەر ەتكەن، سونىمەن قاتار حالىقتىڭ كەدەي بولۋىنا سەبەپ بولعان»، دەي كەلە اۆتور «باسقا قالالار گلازگونىڭ قاتەلىگىن قايتالاماۋى مۇمكىن بە؟» دەپ سۇرايدى.
«قالا تۇرعىندارىنىڭ پسيحيكالىق دەنساۋلىعىنىڭ ناشارلاۋى ماجبۇرلىك پە نەمەسە قالالاردى جوبالاۋ، جوسپارلاۋ ماماندارى قالانى ادام دەنساۋلىعىنا پايدالى بولاتىنداي ەتىپ جوسپارلاي الا ما؟»، دەپ جازادى باسىلىم.
اۆتوردىڭ ايتۋىنشا، زەرتتەۋ ناتيجەسىندە قالالارداعى ارحيتەكتۋرا مي قۇرىلىمىن وزگەرتەدى.
اۆتور: ايكۇمىس بولاتبەك