قورشاعان ورتانىڭ لاستانۋى يممۋنيتەتتى السىرەتەدى - زەرتتەۋ
09:35, 19 - قازان 2019
نۇر-سۇلتان. قازاقپارات - وندىرىستىك لاستانۋ اعزانىڭ ينفەكسياعا، اسىرەسە، تۇماۋعا توتەپ بەرۋ مۇمكىندىگىن ناشارلاتادى.
بۇل ۇرپاقتان-ۇرپاققا بەرىلۋى مۇمكىن، دەپ جازادى IScience جۋرنالى.
روچەستەر ۋنيۆەرسيتەتىنىڭ مەديتسينالىق ورتالىعىنىڭ زەرتتەۋشىلەر توبى قورشاعان ورتانىڭ لاستانۋى يممۋندى جۇيەگە قالاي اسەر ەتەتىنىن انىقتادى. زەرتتەۋ ناتيجەسىندە اۋانىڭ لاستانۋى ينفەكسيالارعا توتەپ بەرۋ قابىلەتىن السىرەتەتىنى بەلگىلى بولدى.
«گەنەتيكالىق وزگەرىس بولماعانىمەن، گەن ەكسپرەسسياسىنىڭ كلەتكالىق مەحانيزمى وزگەرەدى. ياعني، بۇل دەفەكت بىرنەشە ۇرپاققا بەرىلۋى مۇمكىن»، - دەپ جازادى باسىلىم.
اۆتوردىڭ ايتۋىنشا، تۇماۋعا قارسى ۆاكسيناتسيا ادامدارعا ءارتۇرلى اسەر ەتۋىنىڭ سەبەبىنىڭ ءبىرى وسىندا بولۋى مۇمكىن.
اۆتور: ايكۇمىس بولاتبەك