قاسىم- جومارت توقايەۆ ەلوردادا وتكەن سەنبىلىككە قاتىستى
12:19, 12 - قازان 2019
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ەلورداداعى بوتانيكالىق باقتا وتكەن ەكولوگيالىق سەنبىلىككە قاتىستى، دەپ حابارلايدى قازاقپارات.
«ەلوردانىڭ بوتانيكالىق باعىندا وتكەن سەنبىلىككە قاتىستىم. ەلىمىزدى كوگالداندىرۋ - تابيعاتتى قورعاۋعا قاجەتتى جانە قايىرىمدى ءىس. وسى پايدالى شاراعا اتسالىسقان بارشا قاتىسۋشىلارعا العىس بىلدىرەمىن. ەلوردامىز جايلى جانە جاسىل قالاعا اينالۋى كەرەك»، - دەپ جازدى Twitter دە مەملەكەت باسشىسى.