قازاقستان ە ا ە و اياسىندا كونسترۋكتيۆتى جۇمىس ىستەۋگە نيەتتى - توقايەۆ
«قازاقستان ەۋرازيا ەكونوميكالىق وداعى اياسىندا كونسترۋكتيۆتى جۇمىس ىستەۋگە نيەتتى، - دەپ اتاپ ءوتتى مەملەكەت باسشىسى. - جاعدايدىڭ ۋشىعۋىنا بايلانىستى تۋىنداعان قيىندىقتارعا قاراماستان، ءبىزدىڭ ىنتىماقتى بىرلەستىگىمىز بەدەلدى ەكونوميكالىق ۇيىمعا اينالىپ كەلەدى. ەاەو ساۋدا سەرىكتەستەرى جەلىسىنىڭ سينگاپۋردان سەربياعا دەيىنگى كەڭىستىكتە قانات جايۋى - سونىڭ جارقىن دالەلى».
«بۇگىن ءبىز (رەسەي پرەزيدەنتىمەن - اۆت.) ەكىجاقتى كەلىسسوز جۇرگىزىپ، ستراتەگيالىق ارىپتەستىك پەن وداقتىق قارىم-قاتىناستى ودان ءارى دامىتۋعا ىنتالى ەكەنىمىزدى تاعى دا راستادىق»، - دەدى مەملەكەت باسشىسى.
«ەكىجاقتى كەلىسىم، سونداي-اق ءبىز قول قويعان ينتەگراتسيالىق كەلىسىم اياسىنداعى قۇجاتتار بويىنشا قازاقستان تاراپىنان ءوز مىندەتتەرىمىزدى جۇيەلى تۇردە ورىندايتىنىمىزعا سەندىرگىم كەلەدى»، - دەپ تۇيىندەدى قاسىم-جومارت توقايەۆ.
ايتا كەتەيىك، قازاقستان پرەزيدەنتى قاسىم-جومارت توقايەۆ سوچيدە ءوتىپ جاتقان «ۆالداي» حالىقارالىق پىكىرتالاس كلۋبىنىڭ جىلسايىنعى XVI وتىرىسىنا قاتىستى. «الەمدىك قۇرىلىم: شىعىستان كوزقاراس» تاقىرىبىمەن ءوتىپ جاتقان «ۆالداي» حالىقارالىق پىكىرتالاس كلۋبىنىڭ جىلسايىنعى XVI وتىرىسىنا قازاقستان پرەزيدەنتىمەن بىرگە يوردانيا كورولى ابداللا II، ازەربايجان پرەزيدەنتى يلحام الييەۆ جانە فيليپپين پرەزيدەنتى رودريگو دۋتەرتە قاتىسقان.