ق ر مادەنيەت ۆيتسە- ءمينيسترى ترامپتىڭ ۇلىن قوناق قىلعان قازاق كاسىپكەرىمەن كەزدەستى
اتالعان مينيسترلىك مالىمەتىنشە، «Kazakh Tourism» ۇ ك ا ق شاقىرۋىمەن ارنايى كەلگەن موڭعوليالىق كاسىپكەرمەن كەزدەسۋ بارىسىندا قازاقستاندا ەتنو جانە ەكوتۋريزمدى دامىتۋ جولدارى تالقىلاندى. سالانىڭ قىر- سىرىنا قانىق كاسىپكەر ءوزىنىڭ جۇمىس تاجىريبەسىمەن بولىسۋگە دايىن ەكەنىن ءبىلدىردى. اتاپ ايتقاندا، قورشاعان ورتاعا زيان كەلتىرمەي، اڭشىلىق- ساياتشىلىق تۋريزمدى جولعا قويۋدىڭ زاڭدىق- قۇقىقتىق تەتىكتەرىنە كەڭىنەن توقتالدى.
جالپى، ءتورت جىلدىڭ ىشىندە ءوز ءىسىن وربىتكەن جاندوس قوڭتاربايدىڭ ايتۋىنشا، شەتەلدىك تۋريستەردىڭ ەلىمىزگە دەگەن قىزىعۋشىلىعى جوعارى. وسىعان وراي، قانداس كاسىپكەر ەتنوتۋريزمدى دامىتۋ بويىنشا بىرلەسە قىزمەت اتقارۋدى ۇسىنىپ وتىر. ءوز كەزەگىندە، مادەنيەت جانە سپورت ۆيتسە- ءمينيسترى ەلدەگى ىشكى جانە سىرتقى تۋريزمدى دامىتۋعا ۇكىمەت تاراپىنان ۇلكەن ءمان بەرىلىپ جاتقانىن اتاپ ءوتتى. وركەن سەرىكقالي ۇلى كاسىپكەرگە العىسىن بىلدىرە وتىرىپ، بايان- ولگەيدە جولعا قويىلعان تاجىريبەنىڭ ءتيىمدى تۇستارىن ەلىمىزگە ەنگىزۋ ماقساتىندا ءتيىستى قولداۋ كورسەتۋگە ءازىر ەكەندىگىن ءبىلدىردى.
كەزدەسۋ سوڭىندا تاراپتار الداعى ۋاقىتتا باس قوسىپ، قازاقستانعا تۋريستەردى تارتۋدىڭ ناقتى تەتىكتەرىن بەلگىلەۋگە ۋادەلەستى. وعان دەيىن جاندوس قوڭتارباي قازاقستانداعى ەتنوتۋريزمدى دامىتۋعا قولايلى ايماقتاردى باعامداپ، جەرگىلىكتى تۇرعىندارمەن كەزدەسۋ وتكىزەتىن بولىپ شەشىلدى.
قازىرگى تاڭدا ەتنوتۋريزمنىڭ بىلىكتى مامانىنا اينالعان جاندوس قوڭتارباي اتامەكەنىندە دە وسى سالانى دامىتۋعا اتسالىسپاق نيەتتە.
«قازاقستان پرەزيدەنتى قاسىم- جومارت توقايەۆ حالىققا جولداۋىندا اۋىل- ايماقتا ەكو جانە ەتنوتۋريزمدى دامىتۋدى تاپسىرعان بولاتىن. اسىرەسە، اۋىلداعى اعايىنعا تۋريزمدى كاسىپ كوزى رەتىندە قاراستىرۋدى ەسكەرتتى. جەر ءجۇزىن شارلايتىن ساياحاتشىلاردى ەلىمىزدىڭ تۇمسا تابيعاتى مەن باي مادەني مۇراسى ەرەكشە قىزىقتىراتىنى بەلگىلى. سول سەبەپتى، تۋريستەرگە ساپالى سەرۆيستىك قىزمەتتى ۇسىنا وتىرىپ، جەر- جاھانعا ەلىمىزدىڭ تۋريستىك الەۋەتىن ىلگەرىلەتۋدىڭ ماڭىزى زور. سونىمەن قاتار، ۇلان بايتاق جەرىمىزدەگى ىشكى تۋريزدى دامىتۋ دا قازىناعا قارجى تارتۋدىڭ بىردەن- ءبىر جولى سانالادى»، - دەدى مينيسترلىكتەن.
ەستەرىڭىزگە سالا كەتسەك، ا ق ش پرەزيدەنتىنىڭ ۇلى كىشى دونالد ترامپ موڭعوليادا قازاق كيىز ۇيىنە قونىپ، دەمالىسىن وتكىزىپ قايتقانىن Instagram-داعى پاراقشاسىندا جازعان ەدى. سونداي- اق كىشى دونالد ترامپپەن بىرگە تۇسكەن فوتوسۋرەتتەردى جۇكتەگەن جاندوس قوڭتارباي اقات ەسىمدى موڭعوليا قازاعى امەريكالىق مەيمانداردىڭ ساياحات كەزىندە باقتاشىلاردىڭ ۇلكەن توبىنا بارىپ، كوشپەلى ومىرمەن تانىسقانىن اتاپ وتكەن بولاتىن.
اۆتور مارلان جيەمباي