اۋقىمدا شارادا ماماندار اسقازان-ىشەك جولدارى اۋرۋلارىن ەمدەۋ مەن الدىن الۋ ماسەلەلەرىن تالقىلاۋدا، دەپ حابارلايدى قازاقپارات ءتىلشىسى.
كونگرەسكە 500 گە جۋىق دارىگەر قاتىسۋدا. ولاردىڭ ىشىندە 95 ءسى شەت ەلدەن كەلدى. گاستروەنتەرولوگتار، تەراپيەۆتتەر، ينفەكتسيونيستەر، جالپى پراكتيكا دارىگەرلەرى، پەدياترلار، ونكولوگتار، زەرتحانالىق جانە فۋنكتسيونالدىق دياگنوستيكا سالاسىنداعى ماماندار اسقازان-ىشەك جولدارى اۋرۋلارىن ەمدەۋ جانە تومەندەتۋ جولدارىن قاراستىردى.
«اسقورىتۋ ورگاندارىنىڭ اۋرۋلارى مۇگەدەكتىك پەن ولىمدەر ستاتيستيكاسىنا نەگىزىگى ۇلەسىن قوساتىن اۋرۋلاردىڭ بەستىگىنە كىرەدى. بۇل دەرت دۇنيەجۇزىلىك قوعام دەنساۋلىعىنا قاۋىپ توندىرەدى. سوندىقتان بۇل ۇلكەن ماسەلە. گاستروەنتەرولوگيا سالاسىندا از ينۆازيۆتى جانە حيرۋرگيالىق كومەك كورسەتۋ ونىڭ ىشىندە باۋىر ترانسپلانتاتسياسى ەرەكشە نازارعا الىنباق. شەتەلدىك ارىپتەستەرمىز كلينيكالارداعى جاڭاشىل ەمدەۋ تاسىلدەرى مەن ولاردى ەڭگىزۋ تۋرالى اقپاراتپەن بولىسەدى»، - دەدى س. ج اسفەندياروۆ اتىنداعى قاز ۇمۋ گاستروەنتەرولوگيا كافەدراسىنىڭ مەڭگەرۋشىسى الەكساندر نەرسەسوۆ.
كونگرەسكە كەلگەن دارىگەرلەردى ىشەك اۋرۋلارى دا الاڭداتىپ وتىر. دۇنيەجۇزى بويىنشا ويىق جارا مەن كرونعا شالدىعاتىن ادامداردىڭ سانى جىل ساناپ ارتىپ كەلەدى.
ديسپانسەرلىك ناۋقاستار تىركەلىمىنىڭ دەرەگىنە سايكەس، قازاقستاندا كرون اۋرۋمەن -555 ادام، ويىق جارالى كوليتپەن -2218 ناۋقاس ەسەپكە الىنعان. بۇل تەك رەسمي تىركەلگەندەر. سوندىقتان ناۋقاستار سانى بۇدان دا كوپ بولۋى مۇمكىن.
«ىشەكتىڭ قابىنۋ اۋرۋلارىن ەمدەۋ تەراپياسىنىڭ نەگىزىن امينوساليتسيل قىشقىلدارى، جەرگىلىكتى جانە جۇيەلى كورتيكوستەرويدتار، يممۋنودۋلياتورلار، سونداي-اق كومەكشى دارىلىك قۇرالدار-انتيبيوتيكتەر، تەمىر جانە كالتسي پرەپاراتتارى قۇرايدى. ەلىمىزدە ىشەكتىڭ قابىنۋ اۋرۋىنا شالدىققان ناۋقاستاردى ەمدەۋ جانە بيولوگيالىق تەراپيانى جۇرگىزۋ تەگىن. قازىرگى كەزدە ءى ق ا اۋىراتىن ناۋقاستاردىڭ %2 عانا بيولوگيالىق تەراپيا الادى. باسقا مەملەكەتتەردە بۇل كورسەتكىش %15-30 عا دەيىن جەتەدى»، - دەيدى ىشەكتى زەرتتەۋ جونىندەگى قازاق عىلىمي قوعامىنىڭ ءتورايىمى ءجاميلا قايبۋللايەۆا.
حالىقارالىق كونگرەسس جۇمىسى ءبىر اپتاعا سوزىلادى. شارانى ق ر دەنساۋلىق ساقتاۋ مينيسترلىگى، قازاق ۇلتتىق مەديتسينا ۋنيۆەرسيتەتى، كارديولوگيا جانە ىشكى اۋرۋلار عزي، باۋىردى زەرتتەۋ بويىنشا قازاق قاۋىمداستىعى، ىشەك اۋرۋلارىن زەرتتەۋ جونىندەگى قازاق عىلىمي قوعامى ۇيىمداستىردى.