الماتىدا قۇرمانعازىنىڭ شىعارماشىلىعىنا ارنالعان «بابا مۇراسى» اتتى كۇي كەشى وتەدى
بۇل تۋرالى مادەنيەت جانە سپورت مينيسترلىگى Facebook پاراقشاسىندا جاريالادى.
«قازاق ۇلتىنىڭ باي مۇراسىن «اداي»، «بالبىراۋىن»، «سارىارقا» جانە تاعى باسقا مازمۇندى، اسەرلى، تەرەڭ ماعىنالى فيلوسوفيالىق كۇيلەرمەن تولىقتىرعان قۇرمانعازى ساعىرباي ۇلىنىڭ ەسىمىن بىلمەيتىن جان جوق. حالىق «كۇي اتاسى» دەپ اتاپ كەتكەن ۇلى كۇيشىنىڭ مۇرالارى الەمدىك مۋزىكا ونەرىندە قازاق سازىنىڭ قۇدىرەتىن تانىتا ءبىلدى. ەكى شەكتى اسپاپتان اۋەنگە باي، رۋحتى شىعارمالار تۋدىرعان قۇرمانعازىنى ءتىرى كەزىندە كورگەن قازاقتاردى بىلاي قويعاندا، وزگە جۇرتتىڭ وزىق ويلى وكىلدەرى دە ۇلى كومپوزيتوردىڭ تالانتىنا ءتانتى بولعان»، - دەلىنگەن حابارلامادا.
اتالعان كەشكە ءشامىل ابىلتايەۆ، ەرمەك قازيەۆ، باتىرجان مىقتىبايەۆ، ابىلعازى احماديەۆ، ەدىگە نابيەۆ، ارمات يسلامعاليەۆ، شىڭعىس قۇرمانقۇلوۆ سىندى جانە ت. ب. ونەر مايتالماندارى قاتىسادى.