بالانىڭ قۇلاعىنا نەمەسە مۇرنىنا كىرگەن نارسەلەردى قالاي شىعارامىز؟
سەبەبى ىشىنە قاراي ەنگىزىپ جىبەرۋىڭىز مۇمكىن. تۇيە بۇرشاق (فاسول)، نوقات سياقتى سۋ جۇتىپ ىسىنەتىن زاتتار وتە قاۋىپتى بولعاندىقتان جەدەل جاردەم كورسەتۋ كەرەك. تىنىس الۋدىڭ كۇرت ناشارلاۋى، ۇزاق ۋاقىتقا سوزىلعان ءتۇرلى ءتۇستى، ءيىستى قويۋ سۇيىقتىقتىڭ مۇرىن نەمەسە قۇلاقتان اعۋى ىشىنە كىرگەن زاتتىڭ بىلگىسى بولىپ تابىلادى.
مۇنداي جاعدايدا بالاعا قانداي كومەك كورسەتۋ كەرەك؟
بالانىڭ كوزىنە ءبىر نارسە كىرىپ كەتسە، سۋمەن كوپ شايىڭىز. سۋعا تولى شەلەكتىڭ ىشىنە باسىن سۇعىپ، كوزدەرىن اشىپ- جۇمسا دا بولادى. كىرگەن زات كوزدىڭ اعىنىڭ ۇستىندە تۇرسا، تۇكسىز تازا شۇبەرەكتىڭ دىمقىل جاعىمەن شىعارۋعا بولادى!
فاسول، نوقات سياقتى سۋدى وزىنە جۇتىپ، ىسىنەتىن زاتتىڭ بار ەكەنىنە سەنىمدى بولساڭىز، بالانى ءبىر سۇلگىگە وراپ، زاقىمدانعان قۇلاق جوعارى تۇراتىنداي كەلەسى قىرىمەن جاتقىزۋ كەرەك. زاقىمدانعان قۇلاققا بىرنەشە تامشى جىلى سۋ تامىزىپ، تامىزعان بەتىمەن جاتقىزۋ كەرەك. وسىنداي پروتسەستى 2-3 رەت قايتالاۋ كەرەك. سوندا سۋ كەرى اققاندا ىشىندەگى زاتتى دا وزىمەن بىرگە الا شىعۋى مۇمكىن. ەگەر دە زات شىقپايتىن بولسا، دارەگەرگە جۇگىنىڭىز!
بالانىڭ مۇرنىنا ءبىر نارسە كىرىپ كەتسە، ءوزى سىڭبىرە الاتىن بالانى كەزەكپە-كەزەك مۇرىنىنىڭ ءبىر تەسىگىن جاۋىپ تۇرىپ ءسىڭبىرتىڭىز. ىشىندەگى زات شىقپاسا، ءوزىڭىز شىعارۋعا تىرىسپاڭىز، دارىگەرگە جۇگىنىڭىز!
قۇلاققا جاندى جاندىك كىرىپ كەتكەندە جاندىكتى ءولتىرۋ ءۇشىن سىرتقى قۇلاق جولىنا الكوگول، گليتسيرين نەمەسە زەيتۇن مايىن تامىزىپ، دەرەۋ دارىگەرگە كورسەتۋ كەرەك.