«التى ميلليون ادامنىڭ مالىمەتتەرىنەن جينالان ءتورت مەتااناليز ناتيجەسىندە عالىمدار ەت پەن وڭدەلگەن ەتتىڭ قاۋىپتى اۋرۋلارعا، ونىڭ ىشىندە راكتىڭ تۋۋىنا ەش اسەر ەتپەيتىنىن انىقتادى»، دەپ جازادى Annals of Internal Medicine باسىلىمى.
«ءتورت جىل بۇرىن حالىقارالىق راكپەن كۇرەس اگەنتتىگىنىڭ ماماندارى كۇن سايىن ەتتى قالىپتى مولشەردەن ەلۋ گرامعا كوك تۇتىنۋ راكتىڭ پايدا بولۋ مۇمكىندىگىن ارتتىراتىنىن انىقتاعان بولاتىن. سونىمەن قاتار، وڭدەلگەن ەت پەن راكتىڭ باسقا تۇرلەرىنىڭ دە اراسىندا بايلانىس بارى ايتىلعان ەدى»، دەپ جازادى اۆتور. ونىڭ ايتۋىنشا، ەتتىڭ ادام دەنساۋلىعىنا اسەرىن زەرتتەۋ ءۇشىن سەگىز مەملەكەتتىڭ عالىمدارى NutriRECS زەرتتەۋ كونسورتسيۋمىن قۇردى.
«عالىمدار ارنايى بازا قۇرىلعالى بەرى بىلتىرعى جىلعا دەيىنگى مالىمەتتەردى ساراپتاعان. عالىمدار وڭدەلگەن ەتكە قاقتالعان، سۇرلەنگەن جانە كەپتىرىلگەن ەتتى جاتقىزعان. اناليز بارىسىندا عالىمدار ەت تۇتىنۋ مەن راك، جۇرەك قانتامىر جانە باسقا دا اۋرۋلاردىڭ اراسىندا بايلانىس جوعىن انىقتادى»، دەپ جازادى باسىلىم.