مەملەكەت باسشىسى «ەۋرازيا كونتينەنتىنىڭ ترانزيتتىك الەۋەتى» فورۋمىنا قاتىستى
11:16, 02 - قازان 2019
ەرەۆان. قازاقپارات – ق ر پرەزيدەنتى قاسىم-جومارت توقايەۆ ارمەنيا استاناسىندا وتكەن «ەۋرازيا كونتينەنتىنىڭ ترانزيتتىك الەۋەتى» فورۋمىنا قاتىستى، دەپ حابارلايدى قازاقپارات.
جوعارى ەۋرازيالىق ەكونوميكالىق كەڭەس وتىرىسى اياسىندا قاسىم-جومارت توقايەۆ «ەۋرازيا كونتينەنتىنىڭ ترانزيتتىك الەۋەتى» فورۋمىنىڭ جۇمىسنا قاتىستى.
مۇنداي فورماتتاعى ءىس-شارا ە ا ە و ءۇشىن جاڭالىق بولدى. جوعارى ەۋرازيالىق ەكونوميكا كەڭەسىنىڭ شەشىمىنە سايكەس، مۇنداي فورۋمدار ءتوراعالىق ەتۋشى تاراپتان ءارتۇرلى تاقىرىپتاردا ينتەگراتسيالىق بىرلەستىككە مۇشە-مەملەكەتتەردىڭ مۇددەلەرىنە ساي ءوتىپ تۇراتىن بولادى.
ەرەۆانداعى فورۋمدا كولىك-لوگيستيكا سالاسىن دامىتۋ، ەاەو ەلدەرىنىڭ ترانزيتتىك مۇمكىندىكتەرىن نىعايتۋ ماسەلەلەرى تالقىلاندى.