مەملەكەت باسشىسى ءبىرىڭعاي كولىك جۇيەسىنىڭ ارتىقشىلىعىن اتادى
«ە ا ە و جاھاندىق نارىقتاردىڭ قيىلىسىندا ورنالاسقان. بۇل باعىتتاعى الەۋەت وراسان زور. قازىرگى تاڭدا ەكونوميكالىق وداق شىعىس پەن باتىستى بايلانىستىراتىن ماڭىزدى كولىكتىك تورابىنا اينالدى. بۇل ارتىقشىلىقتى دۇرىس پايدالانۋ كەرەك. قىتاي - ەۋروپا - قىتاي باعىتى بويىنشا ەكسپورتتىق جانە يمپورتتىق، ترانزيتتىك وپەراتسيالاردىڭ تۇراقتى ءوسىمى بايقالادى. ءبىزدىڭ تاۋارلاردى اسەان ەلدەرىنە جىلجىتۋ بويىنشا لوگيستيكالىق ماسەلەلەردى شەشەتىن «ۆەتنام - قىتاي - قازاقستان - ەۋروپا» باعىتىنداعى ترانسقۇرلىقتىق تەمىر جول باعدارى ىسكە قوسىلدى. اتالعان كولىكتىك ءدالىز تەڭىز جولدارىنداعى تاسىمالدارعا ءساتتى بالاما بولا الادى، وڭتۇستىك-شىعىس ازيادان ەۋروپاعا قىسقا ۋاقىتتىڭ ىشىندە جۇكتەردى ەاەو مەملەكەتتەرىنىڭ اۋماعى ارقىلى اكەلۋگە مۇمكىندىك بەرەدى»، - دەدى قاسىم-جومارت توقايەۆ ەرەۆاندا ءوتىپ جاتقان جوعارى ەۋرازيالىق ەكونوميكالىق كەڭەستىڭ وتىرىسىندا.
پرەزيدەنت وسىناۋ مۇمكىندىكتەرگە قاراماستان، كونترسانكتسيالى تىزىمگە ەنگەن تاۋارلاردىڭ ترانزيتىنە قاتىستى قيىندىقتار تۋىندايتىنىن اتاپ ءوتتى.
«بۇنىڭ ءبارى ءبىزدىڭ ەلدەردىڭ ءوزارا دا، ءۇشىنشى ەلدەرمەن ىنتىماقتاستىعىنا دا جايسىز تيەدى. جاسالىپ جاتقان ترانزيتتىك جۇيە ەكونوميكالىق وداق اۋماعىندا كەدەرگىسىز ترانزيتكە، كەدەندىك پروتسەدۋرالاردى جىلدامداتۋعا جاعداي جاسايدى. ك وميسسيا مەن ءبىزدىڭ ۇكىمەتتەر ە ا ە و ەلدەرىنىڭ ءبىرىڭعاي كولىكتىك جۇيەسىن ازىرلەۋدى جەدەلدەتۋى ءتيىس»، - دەدى مەملەكەت باسشىسى.
ايتا كەتسەك، قازاقستان پرەزيدەنتى قاسىم-جومارت توقايەۆ قاتىسقان جوعارى ەۋرازيالىق ەكونوميكالىق كەڭەستىڭ وتىرىسى «حابار 24» ارناسىندا تىكەلەي ەفيردە كورسەتىلدى.
ارمەنيا استاناسىندا جوعارى ەكونوميكالىق كەڭەستىڭ وتىرىسى ءوتىپ جاتىر. ءىس-شاراعا قازاقستان پرەزيدەنتى قاسىم-جومارت توقايەۆ، بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو، قىرعىز رەسپۋبليكاسىنىڭ پرەزيدەنتى سوورونباي جەەنبەكوۆ، رەسەي فەدەراتسياسىنىڭ پرەزيدەنتى ۆلاديمير پۋتين، ارمەنيانىڭ پرەمەر-ءمينيسترى نيكولاي پاشينيان جانە ەۋرازيالىق ەكونوميكالىق كوميسسيا القاسىنىڭ ءتوراعاسى تيگران ساركيسيان قاتىسۋدا.