ەلىمىزدىڭ بارلىق ايماعىندا دارىگەرلەر تاپشى

الماتى. قازاقپارات - ەلىمىزدىڭ بارلىق- دەرلىك ايماعىندا دارىگەر تاپشى. ون ەمەس، ءجۇز ەمەس، مىڭداعان مامان جەتىسپەيدى. ەمدەۋ مەكەمەسىنىڭ قايسىسىنا باس سۇقساڭىز دا ۇزىن- سونار كەزەك.

 جاعداي قاشان تۇزەلەدى؟ بۇگىندە باتىس قازاقستان وبلىسىنا 389 مامان كەرەك. اسىرەسە، اكۋشەر- گينەكولوگتارعا، حيرۋرگ پەن كارديولوگتارعا، انەستەزيولوگ- رەانيماتولوگتارعا قاجەتتىلىك ايقىن اڭعارىلادى. ال بيىلدان باستاپ، اۋىلعا بارعان ءار دارىگەرگە 1 ميلليون تەڭگە بولىنبەك. وزگە دە قولداۋ شارالارى قولعا الىنعان.

 تاعى ءبىر وزەكتى ماسەلە ەمدەۋ مەكەمەلەرىنىڭ ماتەريالدىق- تەحنيكالىق بازاسىن جاقسارتۋ. ماسەلەن، 3 مىڭداي تۇرعىنى بار تاريحي مەكەن حان ورداسى اۋىلىندا كولىك ماسەلەسى وتكىر تۇر. تۇرعىندار وسىعان وبلىس باسشىلىعى نازار اۋدارسا دەيدى.

 سەيسەن بايزوموۆ، حان ورداسى اۋىلىنىڭ تۇرعىنى:

 - مەديتسينالىق كولىك وتە ناشار. بالەن جىلعى ەسكى. ءتىپتى جۇرۋىنەن جۇرمەۋى كوپ بولار. بىزدە اۋىلدان قاشىق 60-70 شاقىرىمدا پۋنكتتەر بار مالشىلار. ولار اۋىرىپ قالسا، ولارعا بارىپ- كەلىپ، جاردەم مەديتسينالىق كومەك كورسەتۋ وتە قيىن. بۇل ەندى اۋدان ماسەلەسى مە، وبلىسقا ما جاڭا ماشينا بەرسە دەگەن تىلەك بار.

الماتى وبلىسىنا دا مەديتسينا سالاسىنىڭ ماماندارى قاجەت. وسى كۇزگە دەيىن وڭىردەگى دەنساۋلىق ساقتاۋ مەكەمەلەرىندە 400-دەن استام دارىگەر كەرەك بولعان. بوس جۇمىس ورىندارىن تولتىرۋ ماقساتىندا بيىل 200-دەن اسا جاس ماماندى تارتۋ كوزدەلىپ وتىر. وسى ماقساتتا ج و و كەلىسىم شارت جاسالىپ، تۇلەكتەردىڭ ءبىرازى ايماقتارعا كەلىپ، قىزمەتىنە كىرىسكەن. دەگەنمەن، بۇل كادر ماسەلەسىن تولىقتاي شەشپەيدى. ويتكەنى ەمحانالاردا زەينەت جاسىندا كەلسە دە ەڭبەك ەتىپ جۇرگەن ماماندار بار.

باۋىرجان ىسقاقوۆ، وبلىستىق دەنساۋلىق ساقتاۋ باسقارماسىنىڭ باسشىسى:

- الماتى وبلىسىندا 2 ميلليوننان اسا حالىق بار. ولارعا قىزمەت كورسەتەتىن مامانداردىڭ 11 پروتسەنتى زەينەت جاسىنداعى جانە زەينەت جاسىنا جەتىپ قالعان دارىگەرلەر. سوندىقتان كادر ماسەلەسىنە قاتىستى سان وزگەرىپ وتىرۋى مۇمكىن. ءبىراق بيىل جاس مامانداردى كوپتەپ شاقىرتىپ، ماسەلەنى ءبىرشاما جاقسارتامىز دەپ وتىرمىز.

 اقمولا وبلىسىندا دا 400-گە جۋىق دارىگەر جەتىسپەيدى. مۇندا نەگىزىنەن حيرۋرگ، بالالار دارىگەرى، پسيحياترلار مەن اكۋشەر- گينەكولوگتار تاپشى. جاقىندا ايماققا 54 جاس مامان كەلگەن. ولاردىڭ بارلىعى باسپانامەن قامتاماسىز ەتىلەدى، - دەيدى، سالا ماماندارى. ال باسپانا الا الماعان دارىگەردىڭ پاتەراقىسىنىڭ جارتىسىن مەديتسينا مەكەمەسى تولەپ بەرەدى. سەبەبى بيىل وڭىردە دارىگەرلەرگە نەبارى 58 پاتەر عانا بەرۋ قاراستىرىلعان. مامان تۇراقتاماعان سوڭ جەرگىلىكتى بيلىك بالالاردى وزدەرى وقىتىپ الۋدى ءجون ساناپ وتىر.

 اسەل قالدىبايەۆا، وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى:

 - بىلتىرعى 50 گرانت، بيىل 2019-2020 -جىلدارعا دا تاعى 50 گرانتقا ءبولىندى. سونىمەن، 100 باكالاۆريات بيىلعى جىلى وقىپ جاتىر. جانە اكيمات ەسەبىنەن 35 رەزيدەنتتى وقىتۋعا اقشا بيىل ءبولىندى. ونىڭ بارلىعى، وسى رەزيدەنتتەرگە ءبىز اقشا ءبولىپ جاتىرمىز. ول كىسىلەر وقيدى، وقىعاننان كەيىن ءبىزدىڭ وڭىرگە كەلىپ، ءوز قىزمەتتەرىن ارى قاراي جالعاستىرۋ كەرەك.

 ايتا كەتەيىك، جەرگىلىكتى بيۋدجەتتىڭ ەسەبىنەن ءبىلىم العان ستۋدەنتتەر، وقۋ بىتىرگەن سوڭ سول ايماقتا كەمىندە 3 جىل جۇمىس ىستەۋگە مىندەتتەلەدى. ولاي بولماعان جاعدايدا وقۋعا كەتكەن شىعىنداردى وتەۋى ءتيىس.

جالپى، بۇگىندە ەلىمىزدىڭ دەنساۋلىق ساقتاۋ سالاسىندا 200 مىڭنان استام مەديتسينا قىزمەتكەرى ەڭبەك ەتەدى.

www.24.kz