قاراعاندىلىق دارىگەرلەر وزبەكستان ازاماتىن قاۋىپتى ينفەكسيادان امان الىپ قالدى

قاراعاندى. قازاقپارات - قاراعاندى قالاسىنداعى ينفەكسيالىق اۋرۋحانادا ەم العان وزبەكستان تۇرعىنى كەيىن اتالمىش مەديتسينا مەكەمەسىنە كەلىپ، دارىگەرلەرگە العىس ايتتى، دەپ حابارلايدى قازاقپارات ءتىلشىسى.

19 جاستاعى ناۋقاس اۋىر حالدە رەانيماتسياعا تۇسكەن بولاتىن. وعان تىرىسقاق دياگنوزى قويىلدى. ءبىر ايعا جۋىق ۋاقىت بويى قاراعاندىلىق دارىگەرلەر ونىڭ ءومىرى ءۇشىن كۇرەسكەن

شوحرۋح توشپۋلاتوۆ قاراعاندىعا ماۋسىم ايىندا كەلگەن. 10 كۇننەن كەيىن ول ءىشى ءتۇيىلىپ مەن قاتتى اۋىرسىنعان. كەيىن انىقتالعانداي، ول ءوز ەلىندە تابانىن شەگەمەن جارالاپ الىپ، مەديتسينالىق كومەككە جۇگىنبەگەن.

25 -ماۋسىم كۇنى جاس جىگىت وبلىستىق جۇقپالى اۋرۋلار اۋرۋحاناسىنىڭ رەانيماتسيا بولىمىنە جاتقىزىلدى. ەمدەۋ 29 كۇنگە سوزىلدى. پاتسيەنتكە تىرىسقاققا قارسى سارىسۋ جانە انتيبيوتيكتەر ەگىلدى، تىرىسۋعا قارسى جانە سيمپتوماتيكالىق ەم جۇرگىزدى. شوحرۋح 2 اپتا بويى وكپەنى جاساندى جەلدەتۋ اپپاراتى ارقىلى دەم الدى.

«بۇل اۋرۋ تەرى جامىلعىسىنىڭ جاراقات الۋى، شاڭ، كىر ءتۇسۋى كەزىندە دامۋى مۇمكىن. ەگەر ادام ەگىلمەگەن بولسا، ول سىرەسپەنى جۇقتىرۋ ىقتيمالدىعى كوپ. ۋاقىتتى جىبەرىپ الماۋ وتە ماڭىزدى - سوندىقتان ينفەكسيالىق اۋرۋحانادا ۇزدىك مامانداردىڭ قاتىسۋىمەن كونسيليۋم وتكىزىلدى جانە ەمدەۋدىڭ بەلگىلى ءبىر تاكتيكاسى جاسالدى»، - دەپ حابارلادى قاراعاندى وبلىسى دەنساۋلىق ساقتاۋ باسقارماسىنىڭ باسشىسى ەرجان نۇرلىبايەۆ.

اۋرۋحانادان شىققاننان كەيىن شوحرۋح توشپۋلاتوۆ ۇيىنە كەتىپ، بىرنەشە اي وتكەن سوڭ قاراعاندىعا قايتا ورالدى. ول ءومىرىن اجالدان اراشالارپ قالعان مەديتسينا قىزمەتكەرلەرىنە العىسىن ءبىلدىرۋ ءۇشىن ارنايى كەلگەن ەكەن.

«ءبولىم مەڭگەرۋشىسى ايناگۇل سارامانوۆاعا جانە رەانيماتولوگ دارىگەر ارتەم ۆيرتسكە جوعارى بىلىكتىلىگى جانە ەمدەلۋشىلەرگە دەگەن ىستىق ىقىلاستارى ءۇشىن كوپ راحمەت. مەنىڭ وسى كىسىلەرگە دەگەن العىسىم شەكسىز. ولار مەنىڭ ءومىرىمدى ساقتاپ قالدى»، - دەيدى شوحرۋح توشپۋلاتوۆ.

جىل سايىن 160 مىڭنان استام ادام تىرىسقاقتان كوز جۇمادى. ءتىپتى دامىعان ەلدەردە ەمدەۋدىڭ ەڭ زاماناۋي ادىستەرىن قولدانعان جاعدايدا دا اۋرۋحاناعا جاتقىزىلعان ناۋقاستاردىڭ 0-60 قايتىس بولادى. قاجەتتى مولشەردە سىرەسپەگە قارسى سارىسۋى جوق وڭىرلەردە ءولىم- ءجىتىم � عا دەيىن جەتەدى.

مەديكتەر سىرەسپە دەرتىن 4 فورماعا بولەدى: شۇعىل، وتكىر، وتكىر تۇرگە جاقىن، سوزىلمالى. مامانداردىڭ ايتۋىنشا، سىرەسپە اۋرۋىنىڭ الدىن الۋدىڭ ەڭ ءتيىمدى ءادىسى - ەرتە جاستان باستاپ جۇرگىزىلەتىن پروفيلاكتيكالىق ەكپەلەر جاساۋ.

اۆتور: اگاتا مۋحامەدجانوۆا