ق ر د س م قوعامدىق دەنساۋلىق ساقتاۋ ۇلتتىق ورتالىعىنىڭ مالىمەتىنشە، بۇل اتاۋلى كۇن الەمدەگى جۇرەك-قانتامىر اۋرۋلارىنىڭ وسىمىمەن بايلانىستى قوعامداعى قاۋىپتى تۇسىنۋگە، سونداي-اق حالىقتىڭ بارلىق توبىندا يشەميالىق اۋرۋلار مەن مي ينسۋلتىنا قاتىستى پروفيلاكتيكالىق شارالاردى باستاۋعا باعىتتالعان.
جۇرەك- قانتامىر اۋرۋلارى جانە ينسۋلتتىڭ پايدا بولۋىنىڭ قاۋىپ فاكتورلارى جوعارى قان قىسىمىن، قانداعى حولەستەرين مەن گليۋكوزا دەڭگەيىن، تەمەكى شەگۋ، كوكونىستەر مەن جەمىستەردى جەتكىلىكتى تۇتىنباۋ ارتىق سالماق، سەمىزدىك پەن فيزيكالىق ەنجارلىققا الىپ كەلەدى.
مامانداردىڭ ايتۋىنشا، سوزىلمالى كۇيزەلىس جانە مازاسىزدىق جۇرەك- قانتامىر اۋرۋلارىنىڭ قوزدىرعىشى سانالادى. جۇرەك- قانتامىر اۋرۋلارىنىڭ دامۋىنا اكەلەتىن زالالدى ءومىر سالتى كوبىنەسە بالا جاسىندا جانە جاس ءوسپىرىم كەزەڭدە قالىپتاسادى. وسە كەلە جۇرەك- قانتامىر اۋرۋلارىنىڭ پايدا بولۋ قاۋپى ارتا بەرەدى. سوندىقتان، پروفيلاكتيكالىق ارەكەت ەتۋدى بالا كەزدەن باستاۋ كەرەك.
سونداي-اق، گيپپوكرات ايتقانداي، «گيمناستيكا، دەنە جاتتىعۋلارى، جاياۋ ءجۇرۋ جۇمىسقا قابىلەتتى، دەنساۋلىعىن جانە تولىققاندى ءومىرىن ساقتاپ قالعىسى كەلەتىن ءار ادامنىڭ كۇندەلىكتى تۇرمىسىنا ەنۋى كەرەك».
«قازىرگى زاماندا اۋرۋلار مەن ولاردى دامىتاتىن قاۋىپ فاكتورلارىن ەرتە انىقتاۋ ءۇشىن كۇيزەلىسپەن كۇرەسىپ، ەكولوگيالىق ناشار جاعدايدا دەنساۋلىقتى ساقتاپ قالۋ ءۇشىن تۇراقتى مەديتسينالىق تەكسەرۋدەن وتەتىن دەنساۋلىق مادەنيەتىن دامىتۋ قاجەت»، - دەيدى قوعامدىق دەنساۋلىق ساقتاۋ ۇلتتىق ورتالىعى.
دۇنيەجۇزىلىك جۇرەك فەدەراتسياسىنىڭ دەرەكتەرى بويىنشا، سالاۋاتتى ءومىر سالتىن ۇستانۋ، تەمەكى شەگۋدى باقىلاۋ، دۇرىس تاماقتانۋ جانە فيزيكالىق بەلسەندى بولۋ ارقىلى ينفاركت جانە ينسۋلتتان بولاتىن مەرزىمىنەن ەرتە ءولىم جاعدايلارىنىڭ ىنىڭ الدىن الۋعا بولادى.