كارىم ءماسىموۆتىڭ جاساندى ينتەللەكت جونىندەگى كىتابى شىقتى
10:50, 29 - قىركۇيەك 2019
نۇر-سۇلتان. قازاقپارات - قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ءتوراعاسى كارىم قاجىمقان ۇلى ءماسىموۆتىڭ جاساندى ينتەللەكت جونىندەگى كىتابى شىقتى، دەپ حابارلايدى قازاقپارات.
«سلەدۋيۋشي ۆلاستەلين ميرا. يسكۋسستۆەننىي ينتەللەكت» اتتى 27 -قىركۇيەكتە جارىق كورگەن كىتاپ «ليترەس» ەلەكتروندى كىتاپتار سەرۆيسىندە جاريالاندى.
«جاساندى ينتەللەكتىنىڭ تارالۋى ارتىپ كەلە جاتقاندىقتان ءبىز مەديتسينا، بيوينجەنەريا، روبوت تەحنيكاسى، عارىشتى يگەرۋ جانە قارۋلاندىرۋدا بۇعان دەيىن بىلمەگەن سالالاردىڭ جانە سەرپىندى يننوۆاتسيالاردىڭ پايدا بولۋىن ايقىندايتىن جاڭا ءداۋىردىڭ كۋاگەرى بولۋدامىز.
اۆتور رەت-رەتىمەن جاساندى ينتەللەكتى دامۋىنىڭ نەگىزگى كەزەڭدەرىنە تولىق شولۋ جاساي وتىرىپ، ج ي-نى قازىرگى كۇندەلىكتى ومىردە قولدانىلۋىنا كوشەدى، ءبىرقاتار ەلدەردىڭ جاساندى ينتەللەكتى ستراتەگياسىنىڭ ۇلتتىق ەرەكشەلىكتەرىن ۇسىنادى»، - دەلىنگەن 210 بەتتەن تۇراتىن كىتاپتىڭ سيپاتتاماسىندا.