اقان ساتايەۆ «توميريستىڭ» قازاقشا نۇسقاسى نەگە كورسەتىلمەي جاتقانىن ءتۇسىندىردى
فيلم پروكاتقا شىققالى بەرى الەۋمەتتىك جەلى قولدانۋشىلارى تۋىندىنىڭ تەك قانا ورىس تىلىندە ءجۇرىپ جاتقانىن ايتىپ، قازاق كينوسىنىڭ قازاق تىلىندە كورسەتىلمەۋىنە نارازىلىق بىلدىرگەن ەدى. وسىعان بايلانىستى فيلمنىڭ رەجيسسەرى اقان ساتايەۆ Instagram پاراقشاسىندا جاعدايدى ءتۇسىندىردى.
«قۇرمەتتى كورەرمەن! كۇنى كەشە «توميريس» فيلمى بارلىق كينوتەاترلاردا كورسەتىلە باستادى. كورەرمەندەر مەن جۋرناليستەر قويعان باستى سۇراق - فيلمنىڭ قازاقشا دىبىستالعان نۇسقاسى بار ما؟ ءسوزسىز، تولىعىمەن قازاق تىلىندە دىبىستالعان نۇسقاسى بار. قازاق ەلى بولعاندىقتان دا، الدىمەن قازاقشا نۇسقاسىن دىبىستاعان ەدىك! فيلمنىڭ سوڭىنداعى تيترلەردى (ءتۇسىرۋ توبى مەن اكتەرلەردىڭ اتى-ءجونى جازىلاتىن ءبولىم) لاتىن الىپبيىندە جازعان كەزدە كوپتەگەن گرامماتيكالىق قاتەلەر كەتكەن. سوندىقتان توپ مۇشەلەرى مەن اكتەرلەردىڭ اتى-ءجونى قۇجاتقا سايكەس كەلمەۋىنە بايلانىستى كەشىكتىرىلىپ جاتىر. قۇقىقتىق تۇرعىدان ءبىز كارتينانى مۇنداي قاتەلەرىمەن كورسەتىلىمگە جىبەرە المايمىز. شۇعىل تۇردە اتالمىش ماسەلەنى شەشىپ جاتىرمىز»، - دەپ جازدى رەجيسسەر.
اقان ساتايەۆ مۇنى اقتالۋ ەمەس، ءمان-جايدى ءتۇسىندىرۋ دەپ قابىلداۋدى وتىنەدى.
«فيلمنىڭ قازاقشا نۇسقاسى ۋاقىتىلى دايىن بولماي، كورسەتىلىمگە كەشىگىپ شىققانى ءۇشىن كەشىرىم سۇرايمىز. ەكى-ءۇش كۇندە بۇل ماسەلە شەشىلىپ، كينونى انا تىلىمىزدە ەلىمىزدىڭ بارلىق كينوتەاترلارىنان كورە الاسىزدار»، - دەپ اتاپ ءوتتى اقان ساتايەۆ.
اۆتور: جانات قاپالبايەۆا