«قىزمەتكەرلەرگە جىلى قارىم-قاتىناس جاساۋ جانە ەتيكانى ساقتاۋ، يدەولوگيالىق ساۋاتتىلىقتى ارتتىرۋ تاقىرىبىندا لەكسيا وقىلدى. وقىتۋ ترەنينگىنە جول-پاترۋل پوليتسيا پولكىنەن جانە مامانداندىرىلعان اكىمشىلىك پوليتسيا باتالونىنان 700 دەن استام قىزمەتكەر قاتىستى. پاترۋل پوليتسەيلەرى كۇن سايىن قالا تۇرعىندارىمەن ارالاسىپ-قۇرالاساىپ، قارىم-قاتىناس جاسايدى، ازاماتتار اراسىنداعى پوليتسيا بەدەلى سول ارقىلى قالىپتاسادى. سوندىقتان حالىقپەن دورەكى سويلەسىپ، ادەپسىز قىلىق كورسەتۋگە جول بەرىلمەيدى. قىزمەتتىك ەتيكانى ساقتاۋ، ءار ادامعا ادەپپەن جانە ىلتيپاتپەن جاۋاپ بەرۋ - بۇل جۇمىستاعى ەڭ باستى تالاپ»، - دەيدى قالالىق پوليتسيا دەپارتامەنتى باستىعىنىڭ ورىنباسارى ەرجان ورازبەكوۆ.
لەكتورلار ءوز كەزەگىندە پوليتسيانىڭ حالىقپەن قارىم-قاتىناسىندا ۆەربالدىق ەمەس قاتىناس قۇرالدارى (ىم-يشارا، پسيحولوگيالىق قاشىقتىق) ماڭىزدى ءرول وينايتىنىن ايتادى. ول يشارالار كوپ مالىمەت بەرە الادى. وقىتۋشىلار، سونىمەن قاتار، الدىڭداعى ادام ءوزىن جايسىز سەزىنبەس ءۇشىن بەلگىلى ءبىر قاشىقتىقتى ساقتاپ، شەكتەن شىقپاۋ كەرەكتىگىن ەسكە سالادى. سەبەبى بۇل فاكتور ءارى قارايعى اڭگىمەنىڭ تيىمدىلىگىنە تىكەلەي اسەر ەتەدى.