قازاق مەملەكەتتىك سيركى «شىعىس سيركى» اتتى حالىقارالىق جاڭا قويىلىم ازىرلەدى
22:23, 27 - قىركۇيەك 2019
الماتى. قازاقپارات- الماتىدا 28- قىركۇيەكتەن باستاپ، قازاق مەملەكەتتىك سيركىندە «شىعىس سيركى» اتتى حالىقارالىق جاڭا كورسەتىلىم قويىلادى.
بۇل تۋرالى باسپا ءسوز ءماسليحاتىندا سيرك ديرەكتورى باقىت بوكەبايەۆ ايتتى، دەپ حابارلايدى قازاقپارات ءتىلشىسى.
باقىت بوكەبايەۆتىڭ ايتۋىنشا، «شىعىس سيركى» اتتى جاڭا قويىلىمدا سيركتىڭ بارلىق جانرلارى قامتىلعان. اۋە گيمناستيكاسى، اكروباتيكا، ەكۆيليبريستيكا، يلليۋزيا، كۇش اتلەتيكسى، سايقىمازاق جانە درەسسۋرا بار.
«قازاق مەملەكەتتىك سيركى جاڭا باعدارلاما ازىرلەدى. قويىلىمنىڭ ەرەكشەلىگى بۇل حالىقارالىق باعدارلاما. مۇندا ءبىز ارنايى كۋبا مەن رەسەي ەلىنەن تسيرك شەبەرلەرىن شاقىرتتىق. كورەرمەندەردى باس اينالاتىن تريۋكتەر، تاڭعاجايىپ سيقىر، جانۋارلار، رياسىز كۇلكى كۇتۋدە» ، - دەيدى باقىت بوكەبايەۆ.
«شىعىس سيركى» حالىقارالىق باعدارلاماسىندا قازاق مەملەكەتتىك سيرك ارتىستەرىمەن بىرگە شەتەلدىك سيرك شەبەرلەرى دە ونەر كورسەتەدى.