بۇل تۋرالى Reuters باسىلىمى جاساپ حابارلايدى.
اتالعان ءتارتىپ 27 - قىركۇيەكتەن باستاپ كۇشىنە ەندى. جاڭا ءتارتىپ بويىنشا، 49 مەملەكەتتىڭ تۇرعىندارى مۇسىلمان كورولدىگىن كورە الادى. تۋريستىك ۆيزانىڭ قۇنى 80 دوللاردى (31 مىڭ تەڭگەدەن اسا) قۇرايدى. ءتىپتى، ول جالعىز جۇرگەن ايەلدەرگە دە قولجەتىمدى بولادى.
تۋريزم بويىنشا ۇلتتىق كوميسسيا باسشىسى احمەد ءال- ءحاتيبتىڭ سوزىنشە، شەتەلدىك ايەلدەرگە ابايا كيۋ مىندەتتى ەمەس. الايدا ولار، ءتىپتى جاعاجايلاردا دا قاراپايىم كيىنۋى كەرەك.
باسىلىمدا اتالعانداي، مەككە جانە ءمادينا قالالارى سياقتى قاسيەتتى جەرلەرگە كىرۋگە شەكتەۋ قويىلعان.
ساۋد ارابياسىنىڭ ۆيزالىق تىزىمىنە كىرگەن ەلدەر تۋرالى اقپارات كەيىنىرەك پايدا بولادى. الايدا ءال- حاتيب بۇل مەملەكەتتەردىڭ اراسىندا اقش، قىتاي، جاپونيا جانە ەۋروپانىڭ كەي ەلدەرى بار ەكەنىن ايتتى.
2019 -جىلدىڭ قىركۇيەك ايىنا دەيىن ساۋد ارابياسىنا بيزنەس- تۋريستەر نەمەسە قاجىلىققا اتتانعانداردىڭ عانا كىرۋىنە رۇقسات ەتىلەتىن. باسقا دا شەتەلدىك ساياحاتتاۋشىلارعا ارنالعان ۆيزا ەنگىزۋ جوسپارى كوپتەگەن جىلدان بەرى تالقىلانعانىمەن، كونسەرۆاتيزم مەن بيۋروكراتيا بۇل جوسپاردى جۇزەگە اسىرۋعا مۇمكىندىك بەرمەگەن- ءدى.