ەلىمىزدە ورالماندارعا ارنالعان جول كارتاسىنىڭ جوباسى ازىرلەندى
بۇل تۋرالى بۇگىن اتالعان مينيسترلىككە قاراستى ەتنيكاارالىق قاتىناستاردى دامىتۋ دەپارتامەنتى ديرەكتورىنىڭ ورىنباسارى ەركىن ۇيسىمبايەۆ ايتتى، دەپ حابارلايدى قازاقپارات ءتىلشىسى.
«مينيسترلىك «وتانداستار» قورىمەن جانە «ازاماتتارعا ارنالعان ۇكىمەت» كورپوراتسياسىمەن بىرلەسىپ، رەپاتريانتتارعا قىزمەت كورسەتۋ پروتسەسىن رەينجينيرينگتەۋ بويىنشا ۇسىنىستار ازىرلەدى. اتالعان ۇسىنىس يزرايل، گەرمانيا، پولشا، ۆەنگريا، اۆستريا، مەكسيكا، تۇركيا جانە گرۋزيا سىندى ەلدەردىڭ شەتەلدەگى رەپاتريانتتار قوعامداستىعىن قولداۋ ساياساتىن ەسكەرگەن»، - دەدى ول ەلوردادا وتكەن اقپارات جانە قوعامدىق دامۋ سالاسىنداعى قوعامدىق كەڭەستىڭ وتىرىسىندا.
ونىڭ اتاپ وتۋىنشە، رەپاتريانتتارعا مەملەكەتتىك قىزمەت كورسەتۋ بارىسىندا بيزنەس- پروتسەستەردى وڭتايلانىرۋ ءۇشىن «ءبىر تەرەزە» قاعيداتىمەن جول كارتاسىنىڭ جوباسىن ازىرلەگەن.
جوبا قىسقا مەرزىمدى كەزەڭدە ب ا ق- تا جاريا ەتۋ، نورماتيۆتىك- قۇقىقتىق قامتاماسىز ەتۋ، تەحنيكالىق جۇزەگە اسىرۋ، وڭتايلاندىرىلعان پروتسەستى ىسكە قوسۋ شارالارىن قامتيدى. سونىمەن قاتار، ەتنيكالىق قازاقتار تىعىز قونىستانعان ەلدەردىڭ بىرىندە ىلكى جوبانى جۇزەگە اسىرۋ دا كوزدەلىپ وتىر.
«ساراپتاما قازاقستاندىق قوعامعا رەپاتريانتتاردىڭ اۋىرتپالىقسىز ينتەگراتسيالانۋى كەدەرگى كەلتىرەتىن بىرنەشە پروبلەمانى انىقتادى. رەپاتريانتتاردىڭ قۇقىق قورعاۋ جانە اتقارۋشى ورگاندارمەن بايلانىسىنىڭ كوپ ساتىلى تىزبەگى قۇجاتتاردىڭ ءبىر ءتۇرىن ۇسىنۋدى تالاپ ەتەدى. بۇعان قوسا، مەملەكەتتىك ورگانداردىڭ اقپاراتتىق جۇيەسى ءبىر- بىرىمەن ىقپالداستىرىلماعان. بۇل قىزمەت الۋشىنىڭ ايتارلىقتاي ماتەريالدىق شىعىندانۋىنا سەبەپ بولىپ، ۋاقىتىن دا بوسقا كەتىرەدى. ورمالمانداردىڭ زاڭ بىلمەۋى جانە كيريلليتسامەن جازباشا قۇجاتتاردى دايىنداۋ داعدىلارىنىڭ بولماۋى دا جاعدايدى كۇردەلەندىرە تۇسەدى. سوندىقتان رەپاتريانتتار بەلگىلى ءبىر قۇجاتتاردى ۇسىنۋ بارىسىندا مەرزىمىنەن كەشىكتىرەدى. ال بۇل اكىمشىلىك جاۋاپكەرشىلىككە دۋشار ەتەدى. «ءبىر تەرەزە» پرينتسيپى ارقىلى جۇزەگە اسىرىلاتىن ۇيلەسىمدى قىزمەتتى ەنگىزۋ وسى ماسەلەنى شەشەدى»، - دەدى ول.
اۆتور: مارلان جيەمباي