بۇل تۋرالى The Mirror باسىلىمى حابارلايدى.
37 جاستاعى ستەفاني مورس وتاعا دەيىن اناسى پىسىرگەن بالىشتەردى ءسۇيىپ جەگەنىن ايتتى. الايدا مۇنداي تاتتىلەردى ازىرلەۋگە دەگەن ىنتام بولعان ەمەس، دەيدى. ءبىر قىزىعى، وعان تۋىسىنىڭ بۇيرەگى الماستىرىلعاننان كەيىن، ايەلدىڭ اياق استىنان تاتتىلەردى ازىرلەۋگە دەگەن قۇشتارلىعى پايدا بولىپتى.
مورستىڭ سوزىنشە، ول وتادان كەيىن ويانعان بويدا ءتۇرلى تاتتىلەردى دايىنداعىسى كەلگەن.
«مەن ءبالىش، ءتاتتى نان، كەكستەردىڭ سۋرەتىن سالىپ، ىشىنە سالاتىن سالمالاردىڭ ءتىزىمىن جازدىم»، - دەيدى ول.
ستەفاني اۋرۋحانادان ۇيىنە شىققاننان كەيىن بىردەن قاجەتتى ونىمدەردى ساتىپ الىپ، تاڭقۋراي چيزكەيكىن ازىرلەپتى.
مورستىڭ 62 جاستاعى اناسى قىزىنىڭ مۇنداي قىزىعۋشىلىعى پايدا بولعانىنا قاتتى قۋانعان. ەندىگى ولار ءجيى بىرگە تاتتىلەر ازىرلەيدى ەكەن.
ال دارىگەرلەر ايەلدىڭ بويىندا بولعان وزگەرىسكە قاتىستى پىكىر بىلدىرمەدى.