ايتا كەتەرلىگى، قوقىستىڭ ۇشتەن ەكىسى قايتا وڭدەلەدى. ال، قالدىقتى سۇرىپتاۋعا بەي- جاي قارايتىندارعا ايىپپۇل سالىنادى. گەرمانيادا تۇرمىستىق قالدىقتىڭ ` ءى قايتا وڭدەلەدى. بۇل الەم بويىنشا ەڭ جاقسى كورسەتكىش. مۇندا سارى كونتەينەر فولگاعا، كوگى قاعازعا، ال قاراسى تاعام قالدىقتارىنا ارنالعانىن كىشكەنتاي بالاعا دەيىن بىلەدى.
فيليپپ زوممەر، Deutsche UmwelThilfe ۇيىمداستىرۋ ءبولىمىنىڭ باسشىسى:
- قالدىقتاردى سۇرىپتاۋ زاۋىتتان ەمەس ءار ۇيدەن باستالادى. سوندىقتان زاۋىتقا ىرىكتەلگەن ماتەريال كەلەدى. بۇل، ارينە، جۇمىستى جەڭىلدەتەدى. قوقىستىڭ بارلىق ءتۇرىن سۇرىپتايمىز. ەلدىڭ ءار اۋدانىندا كونتەينەردىڭ ءۇش ءتۇرى بار. نەگىزگى يدەيا - قالدىقسىز ءوندىرىس. سول سەبەپتى قولدانىلعان بوتەلكەلەردىڭ @ ى قايتا دۇكەن سورەلەرىنە ورالادى. ءىرى سۋپەرماركەتتەردە پلاستيك ىدىستى قابىلدايتىن ارنايى اپپارات تۇرادى. ءبىر پلاستيك ءۇشىن 25 سەنت بەرەدى. تۇرعىندار اقشا تابۋ ءۇشىن ەمەس قورشاعان ورتانى لاستاماۋ ءۇشىن تاپسىرادى. الايدا گەرمانيانىڭ قوقىس وندىرۋدە الەم ەلدەرى بويىنشا الدىڭعى قاتاردا تۇرعانىن دا ۇمىتپايىق. ورتا ەسەپپەن العاندا، ءبىر ادام جىلىنا 450 كەلى قوقىس شىعارادى. ونىڭ 220 كەلىسى بۋىپ- تۇيەتىن ماتەريال. نەمىس بەلسەندىلەرى «پلاستيك ەكولوگيا ءۇشىن وراسان زور قاۋىپ» دەپ ءتىپتى نارازىلىق اكسياسىن ۇيىمداستارعان.
فلوريان بەتتس، ەكوبەلسەندى:
- دۇكەندە ءار نارسەنى ساتىپ العاندا ويلانۋ كەرەك. كەز كەلگەن ادام كوكونىس پەن جەمىس جيدەككە ارنالعان پلاستيك پاكەتتەردەن باس تارتا الادى. وسىلايشا، قورشاعان ورتانىڭ تازالىعىنا ءوز ۇلەسىن قوسا الادى. جەر بەتىندە پلاستيكتىڭ سانى تىم كوپ بولىپ كەتتى. وسى ورايدا پلاستيكتەن جاسالعان مىنا كيتتى پارلامەنتتىڭ الدىنا قويىپ وتىرمىز. ەرەجەنى ورىندامايتىندارعا ايىپپۇل سالىنادى. ەگەر زاڭدى ءبىرىنشى رەت بۇزىپ وتىرسا، ايىپپۇل كولەمى 10 مەن 50 ەۋروعا دەيىن قۇبىلادى. ال، بۇل جاعداي قايتالانا بەرەتىن بولسا، زاڭ بۇزعان ازامات 2500 ەۋروعا دەيىن ايىپپۇل تولەۋگە مىندەتتى.
www.24.kz