ءبىراق جىل سايىن ولاردىڭ بەيرەسمي ورتادا اڭگىمەلەسۋ مۇمكىندىگى بار. سەسسيانىڭ العاشقى كۇنى جوعارى مارتەبەلى قوناقتار تۇسكى اسقا شاقىرىلادى. الەم ەلدەرى باسشىلارىنا استى كىم ازىرلەيدى ءارى قانداي تاماق بەرىلەتىنە ب ۇ ۇ سايتى شولۋ جاسادى.
ب ۇ ۇ باس اسپازى دەن لوپەس ب ۇ ۇ حاتشىلىعىنىڭ نيۋ- يوركتەگى قىزمەتكەرلەرىنىڭ كۇندەلىكتى تاماعىنا جاۋاپتى. جىل سايىن قىركۇيەكتە ب ۇ ۇ اسپازدارى باس اسسامبلەياعا كەلگەن ءارتۇرلى مەملەكەت جانە ۇكىمەت باسشىلارىنا ارناپ تۇسكى اس ازىرلەيدى. لوپەستىڭ ايتۋىنشا، وسى ءبىر كۇنگى اس داينىداۋ ونىڭ كۇندەلىكتى جۇمىسىنان قيىن بولماسا، وڭاي ەمەس.
«170-190 مەملەكەت باسشىسىنا ۇسىنىلاتىن استى ازىرلەگەننەن ءبىر مەزەتتە ءتورت مىڭ ادامنىڭ قارنىن تويعىزعان وڭايىراق. ويتكەنى ادەتتە قاۋىپسىزدىك تالابى مۇنشالىقتى قاتاڭ بولمايدى»، - دەيدى ول.
ءمازىر تۋرالى كىم شەشىم قابىلدايدى؟
ءار ەلدىڭ باسشىسى - ءار الۋان مادەنيەتتىڭ ادامى. ولاردىڭ ۇلتتىق تاعام داستۇرلەرى دە، جەكە باستارىنىڭ تالعامى دا اركەلكى بولاتىنى تۇسىنىكتى. اسپاز سونىڭ ءبارىنىڭ كوڭىلىنەن قالاي شىعىپ ءجۇر؟ دەن لوپەس وسىنى دا تاراتىپ ايتتى.
«نەگىزىندە ءبىز حاتتاما قىزمەتىنىڭ نۇسقاۋلارىنا سۇيەنەمىز. مەنىڭ مىندەتىم - بىرنەشە ءتۇرلى جەڭىل تاماق، نەگىزگى تاماق جانە تاتتىلەر ازىرلەۋ. حاتتاما قىزمەتكەرلەرى شاراپتار مەن تاماقتىڭ ءدامىن تاتىپ كورەدى، لانچقا نە ازىرلەيتىنىمىزدى ايتادى»، - دەدى باس اسپاز.
پرەزيدەنتتەر قانداي تاعامداردى ۇناتادى؟
دەن لوپەستىڭ سوزىنە قاراعاندا، كەيدە دەگۋستاتسيا مەن تالقىلاۋ ءتورت ساعاتقا دەيىن سوزىلاتىن كورىنەدى. نەگىزگى مازىردەن تىس، ءوزى باس بولىپ ارىپتەستەرىمەن بىرگە بەلگىلى ءبىر ديەتا ۇستايتىندارعا ارنايى تاماق پىسىرەدى.
«ب ۇ ۇ - دا ولار كوبىنەسە فرانسۋز اسحاناسىن ۇناتادى. ءبىز
veal en papillote, chicken mousseline, فۋا گرا ازىرلەدىك. پرەزيدەنتتەر قويدىڭ ەتىن، جاس مالدىڭ ەتىن ءسۇيسىنىپ جەيدى، فيلە مينوندى ۇناتادى، ايتەۋىر مەن وسىندا جۇمىس ىستەگەلى 15 جىلدان بەرى وسىلار مازىردە بولدى. ءبىز مۇندا بالىقتان تاماق پىسىرەمىز، ۆەگەتاريان استارىن ازىرلەيمىز».
ءبارىنىڭ بىردەي كوڭىلىنەن شىعۋ ءۇشىن ءار الۋان ۇلتتىڭ اسحاناسىن ءبىلۋ قاجەت. ب ۇ ۇ باس اسپازى دا ءبىراز ەلدى ارالاعان: يتاليادا بولعان، فرانسيا، بەلگيانى ارالاعان، قىتايعا بارعان.
پرەزيدەنتتەردىڭ تۇسكى اسى ب ۇ ۇ جاڭا ءمازىرى تالقىلاناتىن قاڭتار ايىنان باستاپ ويدا جۇرەدى. ماۋسىمعا دەيىن تاعامداردىڭ الدىن الا ءتىزىمى انىقتالادى، ال شىلدەنىڭ اياعىنا قاراي حاتتاما قىزمەتكەرلەرىمەن بىرگە سوڭعى شەشىم قابىلدانادى. دەن لوپەس اسقا دايىندىق ەكى كۇن بۇرىن باستالاتىنىن دا ايتتى.
الەم ليدەرلەرىنىڭ تۇسكى اسىن كىم ۇيىمداستىرادى؟
فەرناندو باركين اتتاي 20 جىلدان بەرى وسىناۋ ۇلان- اسىر استى ۇيىمداستىرىپ كەلەدى. باركيننىڭ ايتۋىنشا، جىل بويعى جۇمىستىڭ ەڭ قاۋىرت شاعى - وسى كەز. «ا ق ش پرەزيدەنتىنە تاماق بەرەردە قاۋىپسىزدىك شارالارى بارىنشا قاتايادى. ازىق- تۇلىك تيەلگەن جۇك كولىكتەرى ب ۇ ۇ اۋماعىنا تەك تاڭعى ءتورت پەن التىنىڭ اراسىندا عانا كىرە الادى»، - دەيدى ول.
«اس بەرىلەتىن كۇنى جۇمىسقا تاڭعى بەستە كەلەمىن، ال تۇستەن كەيىن جىلدام اسحانانى رەتكە كەلتىرۋگە كىرىسەمىن. ويتكەنى ول جەردە باسقا ءىس- شارالار دا بولىپ جاتادى»، - دەيدى باركين. اسحانانى رەتكە كەلتىرۋ ءۇشىن تاڭعا دەيىن جۇمىس ىستەۋگە تۋرا كەلۋى مۇمكىن. كەيدە باركين ب ۇ ۇ- دا قونىپ قالادى، ۇيىنە تەك دۋشقا ءتۇسىپ، ءبىر شىنىاياق كوفە ءىشۋ ءۇشىن عانا بارادى.
اسپازداردىڭ وزدەرى نە ويلايدى؟
دەن لوپەستى، ونىڭ ارىپتەستەرىن وسىنشاما جاۋاپتى وقيعا قانشالىقتى ابىرجىتادى؟ «اس تارتىلاتىن كۇنى تولقيتىنىمىز انىق قوي. ويتكەنى بارلىعىن بۇگە- شىگەسىنە شەيىن ۇمىتپاي قىزمەت ەتۋ كەرەك. ءبىراق ءبىز ۇنەمى ونىڭ ۇدەسىنەن شىعامىز، ءتىپتى وقىس جاعدايلارعا دا دايىن تۇرامىز. كوماندام مىقتى، ولارعا ءاردايىم ارقا سۇيەۋگە بولادى»، - دەيدى لوپەس.
الەم باسشىلارىنىڭ قىزمەتىندە جۇرگەندەردىڭ ءبىرى - مەتردوتەل مۇحامەد ماحەر. ول نەشە پرەزيدەنتكە اس تارتقانىن ۇمىتىپ تا قالىپتى. «ەسىمدە، پرەزيدەنت كلينتون ۇنەمى ازىلدەسەتىن. اسىرەسە قىتاي پرەزيدەنتىمەن جانە باس حاتشىمەن. ءبىز دە ونىمەن ءبىر- ەكى رەت ازىلدەسكەنبىز»، - دەپ ءماز بولادى ماحەر.
مۇحامەدتىڭ باستى مىندەتى - داياشىلارعا باس بولۋ، اس كەزەگى ارتىق شۋسىز ءوتۋىن ۇيىمداستىرۋ، جوعارى مارتەبەلى قوناقتارعا شاراپ پەن تىسكەباسار دەر كەزىندە تارتىلۋىن قاداعالاۋ. «ءبىزدىڭ باعىمىز جاندى، ويتكەنى مەملەكەت باسشىلارىنا قىزمەت ەتەمىز. كوز الدىڭدا كۇللى الەم تۇرعانداي سەزىنەسىڭ. بۇل ءبىز ءۇشىن زور ابىروي، سوندىقتان ولار رازى بولۋى ءۇشىن بارىمىزدى سالامىز»، - دەپ اعىنان جارىلدى.
داياشىلار مەن حاتتاما قىزمەتكەرلەرى ب ۇ ۇ باس اسسامبلەياسىنداعى دەلەگاتسيا باسشىلارىنا تۇسكى اس بەرۋ ءۇشىن داستارقان جايىپ جاتىر.
فوتو: ب ۇ ۇ/ك. حوتون.