بورتتا رەسەيلىك ولەگ سكريپوچكا، امەريكالىق دجەسسيكا مەير مەن ب ا ءا- دەن شىققان تۇڭعىش عارىشكەر حاززاا ءال- مانسۋري بار. بىرنەشە ساعاتتان كەيىن كەمە حالىقارالىق عارىش ستانتسياسىنا جاقىنداپ، «زۆەزدا» قىزمەت ءمودۋلىنىڭ قوندىرۋ ستانتسياسىنا قوندى. قازىر ح ع س (حالىقارالىق عارىش ستانتسياسى) بورتىندا رەسەيلىك الەكسەي وۆچينين مەن الەكساندر سكۆورتسوۆ، امەريكالىق استروۆنوۆتار كريستينا كۋك، نيك حەيگ جانە ەندريۋ مورگان، سونداي- اق يتالياندىق لۋكا پارميتانو بار. سكريپوچكا مەن مەير جەرگە 2020 -جىلدىڭ 30 - ناۋرىزىندا امەريكالىق ەندريۋ مورگانمەن ورالادى.
ءال- مانسۋري ح ع س بورتىندا سەگىز كۇن وتكىزۋى ءتيىس، ال 3 - قازاندا وۆچينين جانە حەيگپەن «سويۋز مس-12» عارىش كەمەسىمەن جەرگە قايتىپ ورالادى. حااززا ءال- مانسۋري - اسكەري ۇشقىش. جاسى – 35 تە. عارىشقا ۇشۋدى بالا كەزىنەن ارمانداعان.
«بالا كەزىمدە اسپانداعى جۇلدىزدارعا قاراپ سولارعا قالاي جەتۋگە بولادى دەپ ارماندايتىن ەدىم. 4 - سىنىپتا كىتاپتان اراب عارىشكەرى سۇلتان بەن- سالمان ءال- ساۋد تۋرالى كورىپ، ومىردە مۇمكىن ەمەس نارسە جوقتىعىن ءتۇسىندىم. سوندىقتان اسكەري اۋە كۇشتەرىنە باردىم: وسىلايشا ءوزىمدى جۇلدىزدارعا جاقىن سەزىندىم» ، - دەدى ءال- مانسۋري NASA- دا وتكەن كونفەرەنسيا بارىسىندا.
ءال- مانسۋري ح ع س- عا ەكىنشى بورت ينجەنەرى رەتىندە اتتانعان. ەكيپاجدىڭ وزگە مۇشەلەرى سياقتى ول دا زەرتتەۋ جۇمىستارىن جۇرگىزەدى. اتالعان زەرتتەۋ جۇمىستارىنىڭ 15- ءىن ءب ا ءا- دەگى وقۋشىلار جاساقتاعان. ءال- مانسۋري جەرگە ورالعاننان كەيىن وقۋشىلار شىققان ناتيجەلەردى سالىستىرادى. اراب عارىشكەرى عارىشقا وزىمەن بىرگە 10 كەلىلىك جۇك الىپ بارادى. بۇل ءوز مەملەكەتىنىڭ مادەنيەتى، مۇراسى مەن تاريحى ءۇشىن ماڭىزدى زاتتار. ولاردىڭ قاتارىندا ب ا ءا- ءنىڭ تۋى مەن ەلتاڭباسى، امىرلىكتىڭ ۇلتتىق اعاشى سانالاتىن ءال- گحافتىڭ تۇقىمى بار. عارىشتان ورالعاننان كەيىن تۋ مەن ەلتاڭبا مۇراجايعا جىبەرىلەدى، ال تۇقىمنان جاڭا اعاشتار ءوسىپ شىعادى.