جەڭىل اتلەتيكادان ءا چ: قازاقستاندىق اتلەتتەر قاي كۇنى جارىسقا شىعادى
ق ر ۇلتتىق وليمپيادالىق كوميتەتى حابارلاعانداي، 28 -قىركۇيەك كۇنى نۇر-سۇلتان ۋاقىتىمەن 19:30 دا ولگا سافرونوۆا جارىستى باستايدى. ول 100 مەترگە جۇگىرۋدەن ىرىكتەۋ سىنىنا قاتىسادى. بۇل قاشىقتىقتاعى جارتىلاي فينال 30 -قىركۇيەك كۇنى 00:20 دا، ال فينال تۇنگى 02:20 دا وتەدى.
200 مەترگە جۇگىرۋشىلەر اراسىنداعى جارىس 30 -قىركۇيەك كۇنى 20:05 تە باستالادى. بۇل سىندا قازاقستاندىق ميحايل ليتۆين باق سىنايدى. ول 400 مەترگە جۇگىرۋدەن 1 -قازان كۇنى 19:35 تە سىنعا تۇسەدى. جارتىلاي فينالدىق سىن 2 -قازان كۇنى 23:35 تە، فينالدىق دودا 4 -قازان كۇنى تۇنگى 01:20 دا وتەدى.
ۇلتتىق قۇراما ۇزدىگى ولگا رىپاكوۆا 3 -قازان كۇنى 19:40 تا جارىستى باستايدى. بۇل باسەكەنىڭ فينالى 5 -قازان كۇنى 23:35 كە جوسپارلانعان.
جارىستىڭ سەگىزىنشى كۇنى سپورتتىق جۇرىستەن گەورگي شەيكو سىنعا تۇسەدى. ول 20 شاقىرىمعا جارىستا ەل نامىسىن قورعاماق. بۇل باسەكە تۇنگى 02:30 دا باستالماق.
ال يادرو لاقتىرۋشى يۆان يۆانوۆ 5 -قازان كۇنى 23:05 تە جارىس جولىنا شىقسا، ايەلدەر ەستافەتاسىنان ىرىكتەۋ كەزەڭى 4 -قازان كۇنى 23:40 تا باستالادى. فينال 5 -قازان كۇنى 01:05 كە جوسپارلانعان.
اۆتور: كۇنسۇلتان وتارباي