ۇزىلگەن ءانۇران. قازاقستاندىقتاردىڭ ارەكەتى شەتەلدىكتەردى ءتانتى ەتتى
14:43, 25 - قىركۇيەك 2019
نۇر-سۇلتان. قازاقپارات - ءۇندىستاننىڭ بانگالور قالاسىندا سۋ سپورتىنان ازيا چەمپيوناتى جالعاسۋدا دەپ جازادى olympic.kz سايتى.
ءبىرىنشى ويىندا سۋ دوبىنان قازاقستان ايەلدەر قۇراماسى قىتاي كومانداسىمەن كەزدەستى. ماتچ ءداستۇرلى تۇردە قارسىلاس ەلدەردىڭ انۇراندارىمەن باستالدى. دىبىستىق جابدىقتىڭ تەحنيكالىق اقاۋلىعىنا بايلانىستى قازاقستان رەسپۋبليكاسىنىڭ ءانۇرانى 8- سەكۋندتا كەنەتتەن ءۇزىلدى. الايدا كوماندا ويىنشىلارى ەش ساسپاستان، ءانۇراندى داۋىستاپ ايتا باستادى.
ال كورەرمەندەر قولداۋ كورسەتىپ، قول شاپالاقتادى. ولار قىزداردىڭ ارەكەتىنە ءتانتى بولدى. قازاقستاندىقتار ويىن بارىسىندا دا وزدەرىنىڭ ۇيىمشىلدىعىن كورسەتىپ، قارسىلاستارىن 11-10 ەسەبىمەن جەڭدى.