قانات يسلامنىڭ الماتىداعى تيتۋلدى جەكپە-جەگىندە تاعى كىمدەر شارشى الاڭعا شىعادى؟

نۇر-سۇلتان. قازاقپارات – 26- قازاندا الماتىدا وتەتىن قانات يسلامنىڭ تيتۋلدىق جەكپە-جەگىندە شارشى الاڭعا تاعى كىمدەر شىعاتىنى بەلگىلى بولدى، دەپ حابارلايدى قازاقپارات ءتىلشىسى.

بۇل تۋرالى «Qazaq promotions» كومپانياسىنىڭ Instagram پاراقشاسىندا جاريالاندى.

ەستەرىڭىزگە سالا كەتەيىك، وسىعان دەيىن قانات يسلامنىڭ قارسىلاسى بەلگىلى بولعانىن جازعان ەدىك.

اتالعان بوكس كەشىندە باستى جەكپە-جەك قانات يسلام (26-0، 21 ك و) مەن ناميبيالىق ۋولتەر كاۋتوندوكۆا (18-1، 17 ك و) اراسىندا وتەدى.

ال وسى بوكس كەشى اياسىندا تاعى ارمان رىسبەك (6-0، 5 ك و)، رۋسلان مىرساتايەۆ (6-0، 6 ك و)، اسقار ەرۋبەك (1-0، 1 ك و)، نۇرسۇلتان امانجولوۆ (1-0، 0 ك و) پەن بەكسۇلتان راۋشانوۆتىڭ (5-1، 3 ك و) جەكپە-جەكتەرى جوسپارلانعان. قازاق بوكسشىلارىنىڭ قارسىلاستارى كىم بولاتىنى ازىرگە بەلگىسىز.

«جاقىن ارادا باسپا ءسوز ءماسليحاتى ۇيىمداستىرىلىپ، وندا بارلىق مالىمەتتەر جاريالانادى»، - دەلىنگەن Qazaq Promotions حابارلاماسىندا.

اۆتور: كۇنسۇلتان وتارباي