تاۋەلسىزدىك جىلدارى كورەيامەن ەڭ جىلى قارىم- قاتىناس ورناتۋعا تىرىستىم - ەلباسى

 نۇر- سۇلتان. قازاقپارات - كەزدەسۋ بارىسىندا قازاقستاننىڭ تۇڭعىش پرەزيدەنتى مارتەبەلى مەيمانعا ەۋرازيا ەلدەرى سپيكەرلەرىنىڭ كەڭەسىنە قاتىسقانى ءۇشىن العىس ءبىلدىردى، دەپ حابارلايدى ەلباسىنىڭ رەسمي سايتى.

- تاۋەلسىزدىك جىلدارى كورەيامەن ەڭ جىلى قارىم- قاتىناس ورناتۋعا تىرىستىم. بىزدە ەكونوميكالىق ىنتىماقتاستىقتىڭ ۇلكەن باعدارلاماسى بار. قازاقستاندا 100 مىڭ كارىس ۇلتى تۇرادى. بۇل ءبىزدىڭ ەلدەرىمىزدىڭ اراسىنداعى التىن كوپىر. ءبىز ەكونوميكالىق جانە ساياسي ىنتىماقتاستىقتى جالعاستىرۋعا مۇددەلىمىز، - دەدى نۇرسۇلتان نازاربايەۆ.

سونداي- اق، ەلباسى وڭتۇستىك جانە سولتۇستىك كورەيا اراسىنداعى ديالوگ ورناتۋ ۇدەرىسىنە قولداۋ ءبىلدىردى.

ءوز كەزەگىندە مۋن حي سان ەۋرازيا ەلدەرى سپيكەرلەرى كەڭەسىنىڭ جوعارى دەڭگەيدە وتكەنىن اتاپ ءوتتى.

- الەم حالقىنىڭ 75 پايىزى ەۋرازيا قۇرلىعىندا تۇرادى. الەمدىك ءج ى ءو- ءنىڭ 60 پايىزى ەۋرازياعا تيەسىلى. وزدەرىڭىز بىلەتىندەي، ەۋرازيانىڭ ەڭ شىعىس شەتى - ول كورەيا رەسپۋبليكاسى. قازاقستان وسى كونتينەنتتىڭ قاق ورتاسىندا. ءبىزدىڭ العاشقى وتىرىسقا 19 مەملەكەت، ەكىنشىسىنە - 27, ءۇشىنشى - 39 مەملەكەت قاتىستى. بۇگىنگى باسقوسۋعا 55 تەن استام مەملەكەت قاتىسۋدا. بۇل جەتىستىك - ءسىزدىڭ ەڭبەگىڭىز، - دەدى كورەيا رەسپۋبليكاسى ۇلتتىق اسسامبلەياسىنىڭ سپيكەرى.