ارتىنشا بەلگىلى بولعانداي، ميۆا سادو ءومىرىنىڭ سوڭعى ءبىر ايىندا 159 ساعاتتان استام ارتىق جۇمىس ىستەگەن ەكەن. پوليسيا جۋرناليست «جۇمىستان ابدەن زورىققاننان قايتىس بولدى» دەگەن شەشىمگە كەلدى. جاپونيادا جۇمىس ىستەپ ابدەن شارشاعاننان، دەمالىستىڭ ازدىعىنان بولاتىن ءولىم سانى جىلدان جىلعا ارتىپ كەلەدى.
ءتىپتى، كۇنشىعىس ەلىندە مۇنداي ءولىمدى «كاروسي» دەپ اتاپ كەتكەن. رەسمي دەرەكتەرگە سۇيەنسەك، 2017 -جىلى جاپونيادا 170 ادام «جۇمىستان ابدەن زورىققاننان كوز جۇمعان». جاپونيا ۇكىمەتى «كاروسيدىڭ» الدىن الۋ ماقساتىندا ايىنا 45 ساعاتتان اساتىن جۇمىسقا تىيىم سالدى. الايدا بۇل ءۇردىس ءالى كۇنگە ازايماي كەلەدى. Kisi اتالاتىن باعالى قاعازدار بويىنشا جۇمىس ىستەيتىن كومپانيانىڭ جۇرگىزگەن زەرتتەۋىنە سايكەس، الەمدە توكيو تۇرعىندارى ەڭ كوپ جۇمىس ىستەيتىن كورىنەدى.
الەمنىڭ ەڭ ءىرى 40 قالاسىندا جۇرگىزىلگەن زەرتتەۋ ناتيجەسىندە جاپونيا استاناسى كوش باستاعان. توكيو تۇرعىندارى ورتا ەسەپپەن اپتاسىنا 42 ساعات جۇمىس ىستەيدى ەكەن. سونداي- اق ولاردىڭ جۇمىس ۋاقىتى 8:57 دە باستالادى. الايدا جۇمىس ۋاقىتىنىڭ ۇزاقتىعىنا قاراماستان جاپونيا قالالارىنىڭ ونىمدىلىگى تومەن. ەكونوميكالىق ىنتىماقتاستىق جانە دامۋ ۇيىمىنىڭ (ە ى د ۇ) مالىمەتىنشە، جاپونيا جان باسىنا شاققانداعى ج ءى و (جالپى ىشكى ءونىم) G7 مەملەكەتتەرىنىڭ ىشىندە ەڭ جوعارعى كورسەتكىشكە يە.
ال مۋمباي الەمدەگى ەڭ ەڭبەكقور قالا اتاندى. شۆەيتساريانىڭ UBS بانكىنىڭ جۇرگىزگەن زەرتتەۋىنىڭ قورىتىندىسى بويىنشا، ءۇندىستاننىڭ ەڭ ءىرى قالاسىنىڭ تۇرعىندارى جىلىنا ورتا ەسەپپەن 3315 ساعات جۇمىس ىستەيدى ەكەن. ال ەڭ «جالقاۋ» قالا اتانعان لاگوستا بۇل كورسەتكىش 609 ساعاتقا تەڭ. دەگەنمەن ۇزاق جۇمىس ۋاقىتى ونىمدىلىكتىڭ جوعارى بولۋىنا كەپىلدىك بەرمەيدى. مىسالى، رەيتينگىدە ۇشتىككە ەنگەن مەحيكو قالاسىنىڭ تۇرعىندارى جىلىنا 2622 ساعات جۇمىس ىستەگەنىمەن، قىزمەتكەرلەر ساعاتىنا 18,8 دوللار عانا الادى ەكەن. ال يرلانديادا 84 دوللار كورسەتكىشكە يە.
Massaget.kz