اقمولالىق بيشىلەر بانگكوكتا وتكەن الەم چەمپيوناتىندا جۇلدەگەر اتاندى
18:33, 24 - قىركۇيەك 2019
كوكشەتاۋ. قازاقپارات - اقمولالىق بيشىلەر تايلاند استاناسى بانگكوكتە سپورتتىق بيدەن وتكەن «World Open Kings CUP 2019» الەم چەمپيوناتىندا جۇلدەگەر اتاندى، دەپ حابارلايدى قازاقپارات ءتىلشىسى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنە سىلتەمە جاساپ.
ۆەدومستۆونىڭ دەرەگى بويىنشا، جارىسقا ق ر ۇلتتىق قۇراماسىنىڭ اتىنان اقمولا وبلىستىق بالالار مەن جاس وسپىرىمدەردىڭ مامانداندىرىلعان سپورت مەكتەبىنىڭ «ريەۆەرانس» سپورتتىق ءبي كلۋبىنىڭ تاربيلەنۋشىلەرى قاتىستى.
ونىڭ ىشىندە ەرقوجا ءابىلقايىر مەن ياسمينا ايداروۆا جۇبى ەكى كۇمىس جۇلدەگە قول جەتكىزدى.
سونىمەن قاتار، WDSF جاستار اراسىندا نۇربەك سۇلتانوۆ پەن ولگا ورلوۆا، جاس وسپىرىمدەر اراسىندا ۆلاديسلاۆ ماكسين مەن داريا نيكيفوروۆا جۇبى جاقسى ناتيجە كورسەتتى.
«ريەۆەرانس» سپورتتىق ءبي كلۋبىنىڭ جەتەكشىسى ەلميرا ءشارىپوۆا اتاپ وتكەندەي، جەرلەستەرىمىز ەكى كلاسس جوعارى ونەر كورسەتتى.
«سوڭعى جىلدارى ءبىز اتالمىش جارىس دەڭگەيىنە ساي بولۋ ءۇشىن باعدارلاما قوستىق. ت م د ەلدەرىندە وسى جاستاعىلار اراسىندا ءبي ساندارىنىڭ ساناتى جوق»، - دەيدى ە. ءشارىپوۆا.