ەگىز ۇلداردىڭ اناسى گۇلبارشىن يسايەۆانىڭ اڭگىمەسىنە سۇيەنسەك، وتباسى جاڭاوزەن ماڭىنداعى قىزىلساي اۋىلىندا تۇرادى. ونىڭ 26 جاستاعى ۇلدارى جاۋلى مەن جارى ەگىز قىزدار جانار مەن شىناردى وسى جىلدىڭ ءساۋىر ايىندا دوستارىمەن بولعان كەزدەسۋدە بايقاعان. 18 جاستاعى ەگىزدەر ولارمە تانىسۋدى ۇيعارىپتى. Inaktau.kz سايتى حابارلايدى.
«مەنىڭ ۇلدارىم جانار مەن شىناردى كورگەننەن كەيىن ولار ءوزارا سويلەسە باستادى، سەزىم پايدا بولدى. سودان كەيىن عاشىق بولدى. ۇلدارىم ۇيگە كەلىپ، ۇيلەنگىلەرى كەلەتىندەرىن ايتتى، سوندىقتان ءبىز بولاشاق كەلىندەرىمىزبەن تانىستىق» ، - دەيدى اناسى گۇلبارشىن.
ەگىزدەردىڭ اناسىنىڭ اڭگىمەسىنە سۇيەنسەك، جاقىندا تۇسكەن كەلىندەر ماڭعىستاۋ اۋىلىندا تۇرعان. ەكەۋى دە ءالى وقۋدا - ولاردىڭ ءبىرى بانك ءىسىنىڭ قىر- سىرىن وقىپ جاتسا، ەكىنشىسى مەديتسينا سالاسىن تاڭداعان.
«ارينە، ءبىز قازىر قىزداردى ەندى تانىپ جاتىرمىز. ءالى جاس قوي، ماعان ءۇي شارۋاسىندا كومەكتەسەدى، تاماق دايىندايدى» ، - دەيدى ەنەسى.
ۇيگە ەگىز قىزدار كەلگەنىنە قاراماستان، گۇلبارشىن ولاردى شاتاستىرمايدى.
«ەگەر ءسىز مۇقيات قاراساڭىز، قىزداردىڭ ءتۇرى مۇلدەم باسقاشا. ونىڭ ۇستىنە، بىرەۋىنىڭ كەكىلى بار، ەكىنشىسىندە مۇلدە جوق. مەن ۇلدارىمدى دا ەشقاشان شاتاستىرمايمىن، ولار مەگىز بولعانىمەن ماعان ەكى ءتۇرلى. كەيدە ادامدار ولارجى اجىراتا الماي جاتادى» ، - دەدى گۇلبارشىن.
اتا- انالار نەكەگە تۇرۋعا كەلىسىم بەرگەننەن كەيىن، ۇيلەنۋ تويى اسىعىس باستالدى. ۇيلەنۋ تويى ەكى كۇندە ءوتتى.
«تويعا دايىندىق شامامەن 20 كۇنگە سوزىلدى. ەكى ۇيلەنۋ تويىن جاسادىق. ءارقايسىسىنا 400 قوناق شاقىردىق. توي 21 - جانە 22 - قىركۇيەكتە ءوتتى. بارلىق تۋىستار مەن دوستارىمىز كەلدى. ۇيلەنۋ تويى جاڭاوزەندە ءوتتى» ، - دەدى ۇلداردىڭ اناسى.