«پارلامەنتارالىق قوعامداستىق ىشىندەگى قاتاردى جۇمىلدىرۋ جانە زاڭنامالىق ترەندتەردەگى بىرلەسكەن جۇمىستىڭ تيىمدىلىگىن ارتتىرۋ قاجەت. قۇقىقتىق اكتىلەردى ىزگىلەندىرۋ بولىگىندە ءبىراز شارۋا جاتىر. ويتكەنى، تەرروريزمنىڭ جالپى انىقتاماسىن ازىرلەۋ، تەرروريستىك، ەكسترەميستىك ۇيىمداردىڭ، حالىقارالىق ۇيىمداسقان قىلمىستىق توپتاردىڭ ءبىرىڭعاي ءتىزىمىن جاساۋ ماڭىزدى. سونداي- اق، الەمدىك ەكونوميكانى جاڭا سيفرلىق داۋىرگە، جاساندى ينتەللەكت داۋىرىنە كوشىرۋ بارىسىنداعى قۇقىقتىق بازانى ازىرلەۋ جۇمىستارى دا وزەكتى»، - دەدى ەلباسى.
ق ر تۇڭعىش پرەزيدەنتى ەلەكتروندى جانە كريپتو- ءامياندى پايدالانۋ ارقىلى ينتەرنەتپەن ەسىرتكى ساتۋ ىسىنە زاڭنامالىق توسقاۋىل قويا ماسەلەسىنە دە نازار اۋدارتتى.
«حالقىمىزدىڭ «ەلدى تالانت ۇشىرار، قۇستى قانات ۇشىرار» دەگەن ۇلاعاتتى ءسوزى بار. بۇگىنگى باسقوسۋ حالىقارالىق ديالوگتى، سەنىمدى سەرىكتەستىكتى نىعايتۋعا زور ۇلەس قوسادى دەپ سەنەمىن. ەۋرازيا قۇرلىعى ءاردايىم الەمدىك دامۋدىڭ الدىڭعى ساپىندا بولعانىن ۇمىتپاعانىمىز ءجون. ءبىز ۇلكەن ەۋرازيانىڭ بولاشاعىن بىرلەسە ايقىنداۋىمىز كەرەك. سوندىقتان بۇگىنگى باسقوسۋ وسىعان كوپ ۇلەس قوسادى دەپ سانايمىن. وسىنداي يگى ماقساتتى كوزدەگەن فورۋمنىڭ جۇمىسى ناتيجەلى بولسىن!»، - دەدى نۇرسۇلتان نازاربايەۆ.
اۆتور: مارلان جيەمباي