الەمدەگى ەڭ ەرەكشە ءارى ەڭ قاۋىپتى بەس كوپىردى بىلەسىز بە؟

نۇر-سۇلتان. قازاقپارات - الەمدەگى ەڭ قاۋىپتى ءارى ەرەكشە سالىنعان كوپىرلەردى بىلەسىز بە؟

ناعىز ەكسترەمالدى سەزىنگىسى كەلەتىندەر ءۇشىن Youtube-تەگى پارادوكس ارناسىنا سىلەتەمە جاساعان KAZ. NUR. KZ توپ-5 كوپىردى نازارلارىڭىزعا ۇسىنادى.

1. جاپونياداعى ەسيما وحاسي كوپىرى

ەسيما وحاسي كوپىرى ماتسۋە جانە ساكايميناتو دەگەن ەكى قالانىڭ اراسىن جالعايدى. ونى ۇزىندىعى 1,7 شاقىرىم. كوپىر الىپ كەمەلەردىڭ كەدەرگىسىز ءوتۋى ءۇشىن توبەشىك ەتىپ سالىنعان. ەگەر ءسىز جول ەرەجەلەرىن بۇزباساڭىز، كوپىر قاۋىپسىز سانالادى.

2. مالايزياداعى اسپانمەن تالاسقان لانگكاۆي كوپىرى

لانگكاۆي 2004-جىلى سالىنعان. الەمدەگى ەڭ بيىك، ءبىر تىرەۋىشتى كوپىر سانالادى. ول جەردەن 700 مەتر بيىكتە تۇر. ال ۇزىندىعى 125 مەتر، ەنى 1,8 مەتر. كوپىر تەك ءبىر عانا مەتتالدى تىرەۋىشكە تىرەلىپ تۇر.

3. قىتايداعى جاڭجياجە شىنى كوپىرى

قىتايدىڭ حۋنان ولكەسىنە تۋريستەر ءۇشىن 2016-جىلدىڭ تامىزىندا الەمدەگى ەڭ بيىك ءارى ەڭ ۇزىن شىنى كوپىر اشىلدى. ونىڭ ۇزىندىعى 430 مەتر، ەنى 6 مەتر، بيىكتى 300 مەتر. كوپىر ءۇش قاباتتى شىنىدان جاسالعان. ول ءبىر مەزەتتە 800 ادامدى كوتەرە الادى.

4. شۆەيتسارياداعى تريفت اسپالى كوپىرى

ول ەۋروپاداعى ەڭ ۇزىن اسپالى كوپىر. ۇزىندىعى 170 مەتر، ەنى 1 مەتر. كوپىردەن الپى تاۋلارىنىڭ اسەم كەلبەتىن تاماشالاۋعا بولادى.

ول تاۋلى ءارى قار كوپ تۇسەتىن ايماقتا ورنالاسقاندىقتان، 5 توننا قارعا دەيىن كوتەرە الادى. سوندىقتان كەلگىسى كەلگەن تۋريستەرگە الاڭداۋعا ەش نەگىز جوق.

5. پاكىستانداعى حۋسسايني اسپالى كوپىرى

بۇل كوپىر الەمدەگى ەڭ قاۋىپتى اسپالى كوپىر سانالادى. ويتكەنى، تاقتايلارى الشاق ورنالاسقان جانە ۇنەمى تەربەلىپ تۇرادى. گۋنتسا وزەنىنەن ءوتۋ ءۇشىن قايتا جاسالعان. الايدا ايماقتا قاتتى جەل بولاتىندىقتان قۇرىلىس جۇرگەنى بايقالمايدى.