ەلباسى باۋىرجان بايبەككە ءبىرقاتار ناقتى تاپسىرما بەردى
18:51, 11 - قىركۇيەك 2019
نۇر-سۇلتان. قازاقپارات - نۇرسۇلتان نازاربايەۆ «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەكتى قابىلدادى.
بۇل تۋرالى قازاقپارات ەلباسىنىڭ باسپا ءسوز قىزمەتىنە سىلتەمە جاساپ حابارلايدى.
كەزدەسۋ بارىسىندا قازاقستاننىڭ تۇڭعىش پرەزيدەنتىنە پارتيا جۇمىسىن جاڭعىرتۋ باعدارلاماسىن جۇزەگە اسىرۋ بارىسى جونىندە اقپارات ۇسىنىلدى.
سونىمەن قاتار، ەلباسىنا «Jas Otan» جاستار قاناتىنىڭ قىزمەتىن جانداندىرۋ بويىنشا قابىلدانعان شارالار تۋرالى مالىمەت بەرىلدى.
سونداي-اق، ب. بايبەك نۇرسۇلتان نازاربايەۆقا پارتيانىڭ قوعامدىق قابىلداۋلارىنىڭ جەدەل ارەكەت ەتۋ جانە وڭىرلەردەگى ازاماتتاردىڭ وزەكتى ماسەلەلەرىن شەشۋ جونىندەگى جۇمىستارى تۋرالى باياندادى.
كەزدەسۋ سوڭىندا پارتيا ءتوراعاسى ءبىرقاتار ناقتى تاپسىرما بەردى.