بۇل تۋرالى قازاقپارات سەناتتىڭ باسپا ءسوز قىزمەتىنە سىلتەمە جاساپ حابارلايدى.
«رۋحاني جاڭعىرۋ» باعدارلاماسى جانە ەلباسىنىڭ «ۇلى دالانىڭ جەتى قىرى» اتتى ماقالاسىنا وراي جۇزەگە اساتىن شارالار بويىنشا 2020 -جىلى شىعىستىڭ ۇلى ويشىلى ءال- فارابيدىڭ 1150 جىلدىعىن يۋنەسكو اياسىندا اتاپ ءوتۋ جوسپارلانعان بولاتىن.
قازاق ۇلتتىق ۋنيۆەرسيتەتى عۇلاما عالىمنىڭ 1150 جىلدىعىنا دايىندىق اياسىندا مەدياكومپانيالارمەن بىرلەسە وتىرىپ، ءال- فارابيدىڭ ءومىرى مەن قىزمەتىنە ارنالعان بىرنەشە دەرەكتى فيلم ءتۇسىرۋدى قولعا الدى. قازىرگى كەزدە ءال- فارابي تۋرالى «ۇستازدىڭ ورالۋى» ءتورتىنشى دەرەكتى فيلمى بويىنشا جۇمىستار اتقارىلۋدا. ءبىزدىڭ ەلىمىزدىڭ فارابيتانۋشى جەتەكشى عالىمدارى، قوعام جانە مادەنيەت قايراتكەرلەرى قۇرامىنا ەنگەن ارنايى عىلىمي- زەرتتەۋ ەكسپەديتسياسى «ءال- فارابي ىزدەرىمەن» ءفيلمىن ءتۇسىرۋ ماقساتىندا كينو ءتۇسىرۋ جۇمىستارىن باستاپ كەتتى.
وڭتۇستىك قازاقستان وبلىسىنداعى وتىرار اۋدانىنىڭ اكىمى بولعان كەزدە تاريحي- ولكەتانۋ مۇراجايىنىڭ قۇرىلىسىن سالۋعا، ءال- فارابيدىڭ ەسكەرتكىشىن اشۋعا جانە ەجەلگى وتىرارداعى ارحەلوگيالىق قازبا جۇمىستارىن جانداندىرۋعا ىقپال ەتكەن پارلامەنت سەناتىنىڭ دەپۋتاتى ءالىمجان قۇرتايەۆ ەكسپەديتسيا قۇرامىنا ەنگەن بولاتىن.