داۋاسى جوق اۋرۋ ا ي ت ۆ-دان قورعانۋ ءتاسىلى تابىلدى
زەرتتەۋشى عالىمداردىڭ ايتۋىنشا، پارازيت شيستوسوم قۇرتتاردىڭ دەرناسىلدەرى ادامنىڭ ت- ليمفوتسيتتەرىن ا ي ت ۆ ۆيرۋسىن جۇقتىرۋدان قورعايدى.
عالىمدار شيستوسوم قۇرتتارىنىڭ جۇمىرتقالارىنان ارنايى پرەپارات جاساپ شىعاردى. بۇل ءدارى- دارمەكتىڭ كومەگىمەن ادامنىڭ دەندريتتىك جاسۋشالارى ادام يممۋنتاپشىلىعى ۆيرۋسىنا � ءتوزىمدى بولادى.
ا ي ت ۆ ادامنىڭ يممۋندىق جۇيەسىن بۇزا وتىرىپ، باسقا دا ينفەكتسيالىق اۋرۋلاردىڭ دامۋىنا اسەر ەتەدى، ويتكەنى يممۋندىق جۇيە ورگانيزمدى اۋرۋ تۋدىراتىن ميكروورگانيزمدەردەن قورعاۋ قابىلەتىن جوعالتادى. ا ي ت ۆ ينفەكسياسىن جۇقتىرعان ادام ۋاقىت وتە كەلە ساۋ ادامدار ءۇشىن ەشقانداي قاۋىپ كەلتىرمەيتىن ميكروورگانيزمدەردىڭ وزىنە تەز قابىلدايتىن بولادى.
ا ي ت ۆ قالاي جۇعادى؟
ا ي ت ۆ ۆيرۋسىنىڭ جۇعۋ جولدارى: ناۋقاس ادامنىڭ قانى ارقىلى: ا ي ت ۆ ۆيرۋسىن جۇقتىرعان ادامنىڭ قانىن قۇيۋ كەزىندە، ەسىرتكىنى كوكتامىرعا ەنگىزۋ ءۇشىن ينەلەردى، شپريتستەردى جانە باسقا دا ماتەريالداردى بىرگە قولدانعان جاعدايدا، جۇكتىلىك كەزىندە ا ي ت ۆ ۆيرۋستى جۇقتىرعان اناسىنىڭ قانىمەن بالاسىنا بەرىلەدى. سونىمەن قاتار، ۆيرۋس ناۋقاس ادامنىڭ شاۋەتى ارقىلى، قىناپتان شىققان بولىندىلەر ارقىلى جۇعادى.
ا ي ت ۆ سىلەكەي ارقىلى، قول الىسقاندا، ءبىر ىدىستان تاماق ىشكەن كەزدە جۇعا ما؟
ا ي ت ۆ - ۆيرۋسى ءزار، ءناجىس، قۇسىق، سىلەكەي، كوز جاسى جانە تەر ارقىلى بەرىلمەيدى. ا ي ت ۆ - ۆيرۋسى جاناسقاندا، قول قىسقان كەزدە، سۇيگەندە، ماسساج كەزىندە، ءبىر توسەكتە بىرگە جاتقان كەزدە، ءبىر توسەك-ورىن جابدىعىن قولدانعاندا، ءبىر ىدىستان ىشكەن كەزدە جۇقپايدى. سونداي-اق، ۆيرۋس جوتەلگەن كەزدە، تۇشكىرگەندە نەمەسە ماسا شاققاندا جۇقپايدى.
قاۋىپ-قاتەر توبىنا كىمدەر جاتادى؟
قاۋىپ-قاتەر توبىنا نەگىزىنەن ينەكسيالىق ەسىرتكىلەردى پايدالاناتىن ناشاقورلار؛ ولاردىڭ جىنىستىق سەرىكتەستەرى؛ بەيبەرەكەت جىنىستىق قاتىناستارعا تۇسەتىن ادامدار، جەزوكشەلەر جانە ولاردىڭ كليەنتتەرى؛ دونورلار جانە قان قۇيۋدى نەمەسە ورگانداردى ترانسپلانتاتسيالاۋدى قاجەت ەتەتىن ادامدار؛ ۆەنەرولوگيالىق اۋرۋلارعا شالدىققان ادامدار جاتادى.
ادام ا ي ت ۆ جۇقتىرعانىن قالاي بىلە الادى؟
ا ي ت ۆ ستاتۋسىن ءبىلۋ ءۇشىن انتيدەنەلەردى انىقتايتىن قاننىڭ ارنايى اناليزىن تاپسىرۋ قاجەت. انتيدەنەلەر تابىلسا، ادامنىڭ ا ي ت ۆ-نى جۇقتىرعانىن كورسەتەدى. الايدا، انتيدەنەلەر قاندا ا ي ت ۆ-نى جۇقتىرعاننان كەيىن 3-6 ايدان سوڭ عانا تابىلۋى مۇمكىن، سوندىقتان كەيبىر كەزدە ا ي ت ۆ-نى جۇقتىرعانىنا بىرنەشە اي بولعان ادام قانىنىڭ اناليزى تەرىس ناتيجە كورسەتەدى.
ا ي ت ۆ- نى جۇقتىرعان كەزدە كوپتەگەن ادامدار ەشقانداي سيمپتومداردى بايقامايدى. ا ي ت ۆ-نى جۇقتىرعاننان كەيىن ادام ۇزاق جىلدار بويى ءوزىن جاقسى سەزىنۋى مۇمكىن. بۇل كەزەڭ اۋرۋدىڭ جاسىرىن (لاتەنتتى) ساتىسى دەپ اتالادى.