مەملەكەت باسشىسى شەتەلدىك ينۆەستيسيالار قاي سالالارعا تارتىلاتىنىن ايتتى

نۇر-سۇلتان. قازاقپارات - ۇلتتىق قوعامدىق سەنىم كەڭەسىنىڭ وتىرىسىندا ق ر پرەزيدەنت قاسىم-جومارت توقايەۆ ۇلتتىق مۇددە مەملەكەت ساياساتتىڭ باستى باعىتى بولاتىنىن ايتتى، دەپ حابارلايدى قازاقپارات ءتىلشىسى.

«بيلىكتىڭ مىندەتى - ديالوگ ارقىلى مەملەكەتتىك ساياساتتىڭ مىندەتى ماقساتتارىن قوعامعا ءتۇسىندىرۋ، سالاۋاتتى ۇسىنىستار مەن پىكىرلەردى ەسكەرۋ. كەيدە بۇل ءىستى ناشار اتقارىپ جاتامىز. ءبىز ۇلتتىق، مەملەكەتتىك مۇددەنى قاشان دا ءبىرىنشى ورىنعا قويامىز. تاعى دا شەگەلەپ ايتامىن. جەرىمىزدى ەشكىمگە بەرمەيمىز. حالقىمىزدىڭ مۇڭ- مۇقتاجىن ءارقاشاندا ەسكەرەمىز، باستى نازاردا بولادى. شەتەلدىك ينۆەستيسيالار تەك قاجەتتى سالالارعا عانا تارتىلادى.

جالپى شەتەلدىك ينۆەستيسياسىز دامۋشى مەملەكەتتەر ءومىر سۇرە المايدى. جاپونيا، مالايزيا، سينگاپۋر، وڭتۇستىك كورەيا، تاعى باسقا ەلدەر ينۆەستيسيالاردىڭ ارقاسىندا جەتىستىككە قول جەتكىزدى. شەتەلدىك ينۆەستيسيالار ەلدەردىڭ قاۋىپسىزدىگىنە كەپىل بولادى. كوپتەگەن ساياساتكەرلەردىڭ، ديپلوماتتار مەن ساراپشىلاردىڭ تەرىس بولجامىنا قاراماستان قازاقستان مەملەكەت رەتىندە ورنىقتى. بۇعان تۇڭعىش پرەزيدەنتىمىز جانە بۇكىل حالقىمىز زور ەڭبەك ءسىڭىردى. قازىر ءبىر تاۋەلسىزدىگىنىڭ 30 جىلدىڭ مەجەسىنە جاقىنداپ كەلەمىز»، - دەدى قاسىم-جومارت توقايەۆ.

اۆتور: ەسىمجان ناقتىباي