بۇل تۋرالى بۇگىن نۇر-سۇلتان قالاسىندا ءوتىپ جاتقان ۇلتتىق قوعامدىق سەنىم كەڭەسىنىڭ العاشقى وتىرىسىندا قازاقستان پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ءبارىمىز مەملەكەت قىزمەتىنە قاتىستى وزەكتى ماسەلەلەردى اشىق تالقىلاپ، ناقتى ۇسىنىستار ازىرلەۋىمىز كەرەك. مەن پرەزيدەنت رەتىندە ءتيىستى شەشىم قابىلداعان كەزدە سول ۇسىنىستاردى ەسكەرەتىن بولامىن. مۇنداي بىرلەسكەن جۇمىس ەلىمىزدى دامىتۋعا ارنالعان رەفورمالاردى جانداندىرۋعا ىقپال ەتەدى. بۇل جۇمىستى ءبارىمىز بىرگە اتقارامىز. ءبىز ەلىمىزدى جاڭعىرتۋ جوسپارىن ازىرلەۋىمىز قاجەت»، - دەدى وتىرىستى اشقان مەملەكەت باسشىسى.
سونىمەن قاتار، پرەزيدەنت جيىنعا قاتىسۋشىلاردىڭ ازاماتتىق ۇستانىمى ءۇشىن العىسىن ءبىلدىردى. «بارشاڭىزعا بەلسەندى ازاماتتىق ۇستانىمدارىڭىز جانە ورتاق ىسكە قوسقان ۇلەستەرىڭىز ءۇشىن ريزاشىلىعىمدى بىلدىرەمىن»، - دەدى قاسىم-جومارت توقايەۆ.