229 جولاۋشىسى بار «اەروفلوتتىڭ» ۇشاعى ماسكەۋ- بەيجىڭ باعىتى بويىنشا ۇشۋعا دايىندالىپ تۇرعان. الايدا وعان بۋكسيرمەن سۇيرەپ اكەتىپ بارا جاتقان Royal Flight اۋەكومپانياسىنىڭ ۇشاعى كەلىپ سوعىلعان.
جەرگىلىكتى ب ا ق- تىڭ مالىمەتىنشە، ۇشاقتى سۇيرەپ الىپ بارا جاتقان جۇرگىزۋشى ارا قاشىقتىقتى دۇرىس ەسەپتەمەگەن، ناتيجەسىندە Royal Flight پەن اەروفلوت ۇشاقتارىنىڭ قاناتتارى سوعىلىسىپ قالعان.
«اەروفلوت» اۋەكومپانياسىنىڭ باسپا ءسوز قىزمەتى ۇشاقتاردىڭ بۇلىنۋىنە بايلانىستى SU202 ماسكەۋ- بەيجىڭ رەيسىنىڭ كەشىكتىرىلگەنىن راستادى. اۋە كەمەسىندە وتىرعان جولاۋشىلاردىڭ بارلىعى ءدىن امان. كومپانيا جولاۋشىلار ءۇشىن قوسىمشا رەيستى رەسىمدەگەن. ال، ەكىنشى ۇشاق بوس بولعان.